Քուրդ հետախույզը մուտք է գործել ԻՊ առաջնորդի շրջապատ

Սիրիայի ժողովրդավարական ուժեր» զինված կոալիցիայի հետախուզության գործակալի հաջողվել է մոտք գործել «Իսլամական պետություն» ահաբեկչական խմբավորման առաջնորդ Աբու Բաքրա ալ-Բաղդադիի շրջապատ և ամերիկացիներին փոխանցել ահաբեկիչների ապաստանի ճշգրիտ նախագիծը, ինչպես նաև ԻՊ-ի ղեկավարի արյան նմուշը: Այդ մասին ТАСС-ի փոխանցմամբ՝ հայտարարել է ամերիկյան NBC հեռուստաընկերությունը՝ վկայակոչելով «ՍԺՈւ» հրամանատար Մազլյում Աբդիին:

Աղբյուրի հաղորդմամբ՝ նա պատմել է, որ հետախուզությանը հաջողվել է իր մարդուն մտցնել ԻՊ, որը, ի վերջո, դարձել է Աբու Բաքրա ալ-Բաղդադիի խորհրդականներից մեկը: Գործակալը կոալիցիային է փոխանցել խմբավորման ղեկավարի ապաստանի, ստորգետնյա թունելների և թիկնազորի մասին տեղեկություններ: Հետախույզն այդ ապաստարանում է եղել ալ-Բաղդադիին վերացնելու գործողության ընթացքում և այնտեղից հեռացել է ԱՄՆ-ի զինվորականների հետ:

Գործակալը մեկ և երեք ամիս առաջ ամերիկացիներին ապացույցներ է տրամադրել, որ ինքն իսկապես գտնվում է ԻՊ ղեկավարի շրջապատում: Նա փոխանցել է ալ-Բաղդադիի արյան նմուշը և նրա ներքնազգեստը:

Հիշեցնենք, որ Ալ-Բաղդադին սպանվել է հոկտեմբերի 27-ին՝ Սիրիայի Իդլիբ նահանգում: Այդ մասին հայտարարել էր ԱՄՆ նախագահ Դոնալդ Թրամփը թվիթերյան էջում: Լրատվամիջոցները հրապարակել են տեսանյութ՝ զինյալին ոչնչացնելու վայրից: Նրա հետ ոչնչացվել է նաև նրա ամենամոտ օգնական ալ-Մուհաջիրը: