Ամերիկահայ ուսանողուհին 76 կգ նիհարել է՝ վախենալով հակառակ դեպքում չգտնել իր կյանքի սիրուն

Կալիֆոռնիայի բնակիչ Թինա Մինասյանը բավականին բարդ ճանապարհ է անցել՝ նիհարելով 76 կգ: Այս մասին տեղեկացնում է Life.ru կայքը: Թինան նիհարողներին խորհուրդ է տալիս չմոռանալ այն մասին, ինչի մասին իրենք երազում էին սկզբում: Իսկ ամերիկուհին սկսել է մոդայի ոլորտում աշխատելուց, սակայն բարդույթներն ու անվստահությունը նրան խանգարում էին: Չնայած նրան, որ նա կենսուրախ էր շրջապատում:

«Երբ ես շատ գեր էի, ես զարմանալիորեն շփվող էի, բայց ներքուստ՝ շատ տխուր: Ես որոշեցի ամեն ինչ սկսել սկզբից՝ Նյու-Յորքում, և այլևս հայտնի չլինել որպես «թմբլիկ»,-նշել է Թինան:

Մի պահ, երբ աղջկա քաշը հասել էր արդեն 140 կգ-ի, նա որոշել է փոխել իր կյանքը: Եվ քոլեջից բացի՝ այլ կարևոր պատճառներ էլ կային դրա համար. հարազատներն սկսել էին անհանգստանալ նրա առողջությամբ, բացի այդ, ինքն էլ վախեցել էր, որ եթե ոչինչ չանի, չի կարողանա գտնել իր կյանքի սիրուն:

«Շատ պատճառներ կային նիհարելու համար: Իմ ծնողներն ու քույրը շատ էին անհանգստանում իմ առողջության համար, իմ հոգեկան վիճակն ավելի էր վատանում ինքս իմ նկատմամբ ատելությունից: Ես մտածում էի, որ այլևս չեմ կարողանա գտնել իմ սիրուն, եթե չնիհարեմ»-պատմել է Թինան:

Արդյունքում Թինան անցավ առողջ ապրելակերպի, սննդում բացառեց ածխաջրերը, ավելացրեց սպիտակուցները: Արդպիսով Թինան նիհարեց 76 կիլոգրամ և չի պատրաստվում դադարեցնել զբաղվել իրենով: