ԱՄՆ-ը շարունակում է համոզել Թուրքիային հրաժարվել Ս-400-ից

Միացյալ Նահանգները դեռեւս բանակցում են Թուրքիայի հետ՝ պնդելով, որ Անկարան հրաժարվի արդեն իսկ ձեռքբերված ռուսական հակահրթիռային պաշտպանության Ս-400 համակարգերից: Այդ մասին հայտնել է Պետդեպարտամենտի բարձրաստիճան աշխատակիցը, հաղորդում է «Գոլոս Ամերիկի»-ն:

Նրա խոսքով՝ Վաշինգտոնը խնդրում է, որ Թուրքիան հետ ուղարկի արդեն իսկ մատակարարված համակարգերը Ռուսաստան կամ ապամոնտաժի դրանք:

Այդ հարցը քննարկվում է Անկարայի հետ երկխոսության շրջանակում, որը վերաբերում է այժմ թուրք-ամերիկյան հարաբերություններում առկա խնդիրների լուծմանը: Աղբյուրի հաղորդմամբ, ԱՄՆ-ը դեռեւս պատրաստ են պատժամիջոցներ կիրառել Թուրքիայի դեմ Պատժամիջոցների ակտի միջոցով Ամերիկային հակառակորդներին հակազդելու օրենքի շրջանակում (CATSAA) ռուսական Ս-400 համակարգերը ձեռքբերելու պատճառով: