Ալեք Բոլդուինը հաղորդման ժամանակ անսպասելիորեն հանել է անդրավարտիքը (տեսանյութ)

Հոլիվուդյան դերասան Ալեք Բոլդուինը, որը շուտով 6-րդ անգամ հայր է դառնալու, հաղորդման ժամանակ իր արարքով զարմացրել է երկրպագուներին, գրում է news.yahoo.com-ը:

Օրերս դերասանը հյուրընկալվել է Ջիմմի Ֆելոնի` The Tonight Show Starring Jimmy Fallon երեկոյան շոուին, որի ժամանակ անսպասելիորեն հանել է անդրավարտիքը:

Այս քայլով Բոլդուինը երկրպագուներին ցույց է տվել, թե որքան է նիհարել: Նա կանգնել է սրահի հանդիսատեսի առջև՝ հանելով անդրավարտիքը:

«Տեսեք՝ որքան եմ նիհարել: Ոչ մի ավելորդ կիլոգրամ: Անդրավարտքին այլևս ինձ չի սազում»,- հայտարարել է դերասանը: Ֆելոնն ակնհայտորեն ամաչել է, նույնիսկ շրջվել է, սակայն իրավիճակն այնքան զավեշտալի է եղել, որ Ֆելոնը չի կարողացել զսպել ծիծաղը:

Նա մոտեցել է դերասանին՝ փորձելով ծածկել նրան նկարով:

«Այո՛, Ալե՛ք: Մենք բոլորս տեսանք, թե դու որքան ես նիհարել: Հավատացնում եմ քեզ, 300 միլիոն հեռուստադիտող դա արդեն նկատեց»,- ասել է Ֆելոնը Բոլդուինին, որը հաղորդմանը հյուրընկալվել էր իր մասնակցությամբ «Որբ Բրուքլին» ֆիլմի մասին պատմելու համար:

Հիշեցնենք, որ Ալեք Բոլդուինը վերջերս նույնպես հայտնվել է սկանդալի կենտրոնում: Նա ավտոկայանատեղիում ծեծկռտուք է հրահրել: Դատարանը դերասանին պարտավորեցրել է տուգանք վճարել և զայրույթի կառավարման կուրսեր անցնել: