«Բրեքզիթ»-ի վերաբերյալ որոշումը ԵՄ կհրապարակի առաջիկա օրերին
«Բրեքզիթ»-ի վերջնաժամկետի հետաձգման վերաբերյալ որոշումը Եվրամիության ղեկավարները կհրապարակեն առաջիկա օրերին: Այդ մասին այսօր Եվրախորհրդարանի լիագումար նիստի ընթացքում հայտարարել է ԵՄ ղեկավար մարմնի` Եվրոպական խորհրդի նախագահ Դոնալդ Տուսկը:
«Ես խորհրդակցում եմ ԵՄ անդամ պետությունների ղեկավարների հետ, թե ինչպիսին պետք է լինի մեր արձագանքը «Բրեքզիթ»-ի հետաձգման հարցում, և որոշումը կկայացվի առաջիկա օրերին: Ակնհայտ է, որ այդ խորհրդակցությունների արդյունքները մեծապես կախված են այն որոշումներից, որոնք կկայացնի կամ չի կայացնի բրիտանական խորհրդարանը: Հարկավոր է, սակայն, շատ հստակորեն նշել` մենք պետք է պատրաստ լինենք ցանկացած սցենարի: Բայց ես ասել եմ Մեծ Բրիտանիայի վարչապետ Ջոնսոնին` առանց համաձայնագրի «Բրեքզիթ»-ը մեր որոշումը չի լինի», - նշում էր Տուսկը:
Անցած շաբաթ Բրյուսելի և Լոնդոնի բանագնացները համաձայնեցրին «Բրեքզիթ»-ի նոր գործարքը, որը, սակայն, Միացյալ Թագավորության Համայնքների պալատը մերժեց՝ ստիպելով վարչապետ Բորիս Ջոնսոնին «Բրեքզիթ»-ի վերջնաժամկետը երկարաձգելու խնդրանքով պաշտոնական նամակ ուղարկել ԵՄ ղեկավարներին:
«Բրեքզիթ»-ի վերջնաժամկետը, հիշեցնենք, հոկտեմբերի 31-ն է:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...