Զբոսաշրջիկների հոսքը Ռուսաստանից Թուրքիա նվազել է մոտ չորս անգամ

2016 թվականի արդյունքներով զբոսաշրջիկների հոսքը Թուրքիայից Ռուսաստան նվազել է 4.2 անգամ և կազմել է 866 հազար մարդ։ Այս մասին հաղորդում է Ռուսաստանի տուրօպերատորների միությունը (ՌՏՄ)։

2015 թվականին այս ցուցանիշը կազմել է 3,65 մլն. մարդ։

«Թուրքիայի զբոսաշրջության եւ մշակույթի նախարարության տվյալներով, ընդհանուր առմամբ, արտասահմանյան տուրիստների հոսքը դեպի երկիր անցած տարի կրճատվել է 30%-ով՝ մինչեւ 25,3 մլն. մարդ։ Արտասահմանյան հյուրերի թվի նվազման հիմնական պատճառը երկրում անվտանգության խնդիրներն են»,– նշվում է հաղորդագրության մեջ։
Տուրիստական հոսքերի նվազման արդյունքում Թուրքիայի եկամուտը այս ոլորտից անկում է ապրել 29.7%-ով՝ 2015 թվի համեմատ։ 2016 թվականին Թուրքիայի զբոսաշրջային ոլորտը համալրել է երկրի բյուջեն $22.1մլրդ–ով։

«Թուրքիայում լիահույս են, որ ռուսական շուկայի ակտիվութան շնորհիվ, 2017թվականին զբոսաշրջային ոլորտը կվերականգնվի։ Ըստ տարբեր գնահատականների այս տարի Թուրքիայի ծովափերին սպասում են 3-3,5մլն. ռուսների», –նշեցին ՌՏՄ–ից։

Ավելի վաղ հաղորդել էին, որ կապված ռուբլու կուրսի կայունացման հետ ռուսաստանցիները սկսել են ավելի ակտվորեն հետաքրքրվել դեպի Եվրոպա ուղեւորություններով։

Top-News.am