Պենտագոնի ղեկավարը հայտնել է, որ ամերիկյան զորքերը Սիրիայում «ծուղակում են հայտնվել»

ԱՄՆ ռազմական գերատեսչության՝ Պենտագոնի ղեկավար Մարկ Էսպերը Fox News-ի եթերում խոստովանել է, որ Սիրիայում ամերիկյան զորքերը հայտնվել են «վատ դրության մեջ»:

«Ամերիկյան զորքերը հայտնվել են սիրիական բանակի միջև, որոնք ընթանում են հյուսիս՝ թուրքական բանակին հակահարված տալու»,- ասել է ԱՄՆ պաշտպանության նախարարը՝ հայտնելով, որ ամերիկյան բանակը «ծուղակում է հայտնվել»:

«Դրությունը (Սիրիայում) ժամ առ ժամ վատթարանում է»,- հայտնել է Էսպերը և հավելել, որ Միացյալ Նահանգները Թուրքիայի նախագահ Ռեջեփ Թայիփ Էրդողանին ագրեսիան դադարեցնելու կոչ է անում, սակայն չի պատրաստվում պատերազմել Թուրքիայի դեմ՝ հանուն սիրացի քրդերի պաշտպանության:

Նա նաև խոստովանել է, որ Վաշինգտոնը տարածաշրջանում բավականաչափ ուժ չունի՝ «թուրքական զորքերի հարձակումները դադարեցնելու համար»:

Ավելի վաղ Պենտագոնի ղեկավար Մարկ Էսպերը հայտարարել էր, որ Միացյալ Նահանգները ևս 1000 ամերիկացի զինվորական դուրս կբերի Սիրիայի հյուսիսային շրջաններից՝ Թուրքիայի գրոհների պատճառով, որոնք կարող են ընդլայնվել նաև դեպի հարավ և արևմուտք:

Հիշեցնենք, որ Սիրիայի հյուսիսարևելյան շրջանում «Խաղաղության աղբյուր» անվանումն ստացած ռազմարշավն սկսելու մասին Թուրքիայի նախագահ Էրդողանը հայտարարել էր հոկտեմբերի 9-ին, որից հետո թուրքական զինուժի գործողությունները դատապարտել են բազմաթիվ երկրներ, այդ թվում՝ ԵՄ անդամ բոլոր երկրները՝ հանդես գալով ռազմարշավը դադարեցնելու համատեղ կոչով:

Ռազմարշավի մեկնարկից հետո Ֆրանսիան, Գերմանիան, Ֆինլանդիան և Նիդեռլանդները հայտարարել են Թուրքիային զենքի մատակարարումը կասեցնելու մասին:

Այս թեմայով Էրդողանը հայտնել է՝ քանի զոհ է ունեցել Թուրքիան Սիրիայի հյուսիսում ռազմական գործողության հետևանքով Քրդերը համաձայնել են Սիրիայում հրադադարին Քրդերը թուրքական տանկ են ոչնչացրել (տեսանյութ) Թուրքական հրետանին հիվանդանոց է հրետակոծել Էրդողանը վիրավորել է արաբներին