Իրանը ժամանակավորապես չեղարկել է վիզային համակարգն Իրաքի հետ
Բաղդադում Իրանի դեսպանությունը հայտնել է, որ ժամանակավորապես չեղարկում է վիզային համակարգն Իրաքի քաղաքացիների համար: Այս մասին տեղեկացնում է РИА Новости-ն:
«Իրաքի բոլոր քաղաքացիները հոկտեմբերի 24-ից դեկտեմբերի 27-ը կարող են առանց վիզայի այցելել Իրան»,-ասված է դեսպանատան հաղորդագրությունում:
Նշվում է, որ այս քայլն արվում է Իրաքի հետ բարեկամական կապերն ամրապնդելու համար և ի պատասխան Իրաքի քայլի, որը չեղարկել էր վիզային ռեժիմն իրանցիների համար կարևոր՝ Մուհարրամ և Սաֆար ամիսներին, երբ իրանցի շիա մահմեդականներն ուխտագնացություն են կատարում Իրաքի սրբավայրեր:
Իրաքում հոկտեմբերի 1-ից հակակառավարական ցույցեր են սկսվել՝ գործազրկության և կոռուպցիայի դեմ պայքարելու պահանջով: Այս դժգոհություններն առաջինն են մեկ տարի առաջ Ադիլ Աբդուլ Մահդիի կառավարության նշանակումից ի վեր: Ցույցերի ընթացքում բախումներ են գրանցվում ուժայինների հետ, իսկ վերջիններս ուժ են կիրառում:
Ներկայիս դրությամբ, Իրաքի ՆԳՆ տվյալներով, կա 104 զոհ և 6000 տուժած, նրանց թվում՝ ցուցարարներ և ոստիկաններ: Ոչ մի կուսակցություն կամ քաղաքական առաջնորդ չի հայտարարել, որ ինքն է կանգնած այս բողոքի ակցիաների ետևում: ՄԱԿ-ը պահանջել է Իրաքից դադարեցնել բռնությունները խաղաղ ցուցարարների նկատմամբ և բաց քննություն սկսել քաղաքացիների մահվան գործերով:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...