Կիևում բազմամարդ ցույց է Ռուսաստանի հետ հնարավոր գործարքի դեմ
Կիևի կենտրոնում հազարավոր մարդիկ ցույցի են դուրս եկել՝ պահանջելով նախագահ Զելենսկուց զիջումների չգնալ և ծնկի չգալ Ռուսաստանի հետ բանակցություններում:
Բողոքի ցույցերը սկսվել են շաբաթասկզբից, երբ Ուկրաինայի, Ռուսաստանի և ԵԱՀԿ -ի պաշտոնյաները հայտարարեցին, թե համաձայնության են եկել Շտայնմայերի բանաձևի դրույթների շուրջ: Ըստ այդ փաստաթղթի, նախատեսվում է Ուկրաինայի արևելքում՝ ռուսների աջակցությունը վայելող անջատական շրջաններում, տեղական ինքնակառավարման մարմինների ընտրություններ անցկացնել ԵԱՀԿ-ի հսկողության ներքո:
Ընդդիմախոսները պնդում են, թե սրանով այդ տարածքները փաստացի կհանձնվեն Ռուսաստանին: Ուկրաինայի նախագահ Վլադիմիր Զելենսկին, մինչդեռ, հայտարարել է՝ քվեարկությունը տեղի կունենա մի շարք պայմանների իրագործումից, մասնավորապես, ռուսական զորքերը Դոնբասից դուրս բերելուց հետո միայն: Զելենսկին նաև պնդել էր, թե այս գործարքը անհրաժեշտ քայլ է Ռուսաստանի, Ֆրանսիայի և Գերմանիայի առաջնորդների մակարդակով խորհրդաժողով անցկացնելու և հակամարտության վերջնական կարգավորմանը հասնելու համար:
Ուկրաինայի կառավարական զորքերի և անջատականների միջև երկրի արևելքում արդեն հինգ տարի շարունակվող պատերազմի հետևանքով ավելի քան 13 հազար մարդ է զոհվել:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...