Թաիլանդում դատավորը փորձել է կրակել իրեն սպանության մեջ կասկածվողներին արդարացնելուց հետո
Թաիլանդում, Յալա քաղաքում դատավորը փորձել է կրակել իրեն հենց դատարանի դահլիճում, գրում է The Guardian-ը։
Նշվում է, որ միջադեպը տեղի է ունեցել սպանության մեջ մեղադրվող հինգ տղամարդկանց արդարացնող դատավճռի կայացումից հետո՝ հանցանշանների անբավարարության պատճառով։
Պատահածից անմիջապես հետո դատավոր Հանակորն Պիանչանին անհապաղ վիրահատել են։ Ինչպես տեղեկացնում է պարբերականը՝ հղում կատարելով տեղական ԶԼՄ-ներին, այժմ նրա կյանքին վտանգ չի սպառնում։
Կրակելուց առաջ Պիանչանն ասել է, որ ավագ դատավորներն իրեն ասել են, որպեսզի ամբաստանյալներին մեղավոր ճանաչի։ Դատավորի խոստովանությունը տարածվել է սոցցանցերում։ Մեղադրական դատավճռի կայացման պարագայում երեք ամբաստանյալներին մահապատիժ էր սպասվում, իսկ մյուս երկուսը ճաղերի հետեւում կանցկացնեին երկար տարիներ։
«Ներկայում առաջին ատյանի դատարանների իմ մյուս գործընկերներն ամբողջ երկրում նման վերաբերմունքի են արժանանում, ինչպես եւ ես։ Եթե ես չեմ կարող հավատարիմ մնալ տվածս երդմանը, ավելի լավ է մեռնեմ, քան ապրեմ պատվազուրկ»,- նշել է դատավորն իր հայտարարությունում։
Հանակորնի հետ տեղի ունեցած միջադեպը երկրում անհանգստություն է առաջացրել այն առնչությամբ, որ, գուցե, ավագ դատավորները Թաիլանդում չարաշահում են իրենց իշխանությունը մեղադրական դատավճիռներ կայացնելիս՝ քաղաքական նպատակներով։
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը
Դպրոցահասակ տղա է մահացել․ ինչպես է տեղի ունեցել դեպքը՝ պարզաբանում են դպրոցից
Քաղաքական հայացքներ հայտնելու համար ձերբակալելը լուրջ մտահոգություններ է առաջացրել. Լավրովը՝ Գյումրո...