Պուտինին վիրավորած վրացի լրագրողին կանչել են հարցաքննության
Վրաստանի գլխավոր դատախազությունը հարցաքննության է կանչել սկանդալային լրագրող Գեորգի Գաբունիային, ով հայտնի դարձավ ուղիղ եթերով Վլադիմիր Պուտինին վիրավորելուց հետո: Այս մասին տեղեկացնում է РИА Новости-ն:
Վարչությունում նշել են, որ լրագրողին կանչել են «ներկայումս անցկացվող քննության շրջանակներում, որը վերաբերում է ծառայողական պարտականությունների չարաշահմանը՝ ի վնաս Ռուսթավի-2 հեռուստաընկերության, մասնավորապես, հեռուստաընկերության գումարների սեփականաշնորհում՝ օգտվելով ծառայողական կարգավիճակից»:
Հարցաքննությունը նշանակված է հոկտեմբերի 7-ին: Վաղը վրացական դատախազությունը ծրագրում է հարցաքննել նաև Ռուսթավի 2 հեռուստաընկերության տեղեկատվական բաժնի նախկին ղեկավար Նոդար Մելաձեին:
Հիշեցնենք, որ հուլիսի 2-ին Գաբունիան իր հեղինակային «P.S.» հաղորդումը սկսեց Ռուսաստանի նախագահի նկատմամբ հայհոյանքներով: Լրագրողի արարքը մեծ աղմուկ բարձրացրեց, Վրաստանի մայրաքաղաքի հարյուրավոր բնակիչներ հավաքվել էին հեռուստաընկերության շենքի մոտ և պահանջում էին հեռուստաընկերության գլխավոր տնօրեն Նիկոլոզ Գվարամիայի հրաժարականը:
Հեռուստաընկերությունը ստեղծված իրավիճակը անընդունելի էր համարել և երկու ամսով հեռացրել էր Գաբունիային՝ միաժամանակ հրաժարվելով ներողություն խնդրել տեղի ունեցածի համար: Օգոստոսին Ռուսթավի 2-ի նոր գլխավոր տնօրեն Պաատի Սալիյան հայտարարեց լրագրողի հեռացման մասին:
Դեպքից հետո Ռուսաստանի Պետդուման կառավարությանը առաջարկել էր քննարկել Վրաստանի նկատմամբ պատժամիջոցների հարցը, սակայն ՌԴ նախագահը կողմ չէր արտահայտվել այս առաջարկին՝ ելնելով «վրաց ժողովրդի նկատմամբ իր խոր հարգանքից»:
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Տարիներ անց սովորական գործընթաց է լինելու, երբ Հայաստանից կամ Ադրբեջանից մեր քաղաքացիները կարողանալո...
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Գագիկ Սարգսյանը հրաժարական է ներկայացրել Հայաստանի դահուկավազքի և սնոուբորդի ֆեդերացիայի նախագահի պա...
Լավրովը Մակրոնին հիշեցրել է Նապոլեոնին ու Հիտլերին՝ խոսելով Ռուսաստանի պատմության մասին
Մեծ Բրիտանիան ուսումնասիրում է երեխաների կողմից սոցցանցերի օգտագործումն արգելելու հարցը
Դպրոցահասակ տղա է մահացել․ ինչպես է տեղի ունեցել դեպքը՝ պարզաբանում են դպրոցից
Քաղաքական հայացքներ հայտնելու համար ձերբակալելը լուրջ մտահոգություններ է առաջացրել. Լավրովը՝ Գյումրո...