Ինչ է նվիրելու Պուտինին Մոլդովայի նախագահը ծննդյան օրվա կապակցությամբ

Մոլդովայի նախագահն ասել է, որ ՌԴ նախագահը շատ է հավանում մոլդովական գինին:

Դոդոնը հայտարարել է, որ Վլադիմիր Պուտինին ծննդյան օրվա կապակցությամբ ցանկանում է մեկ տակառ սեփական արտադրության գինի նվիրել:

-Մենք հանդիպելու ենք ուրբաթ օրը Աշխաբադում: Գաղտնիքները միանգամից չբացեմ, բայց արդեն մի քանի բան եմ մտածել: Օրինակ գինի Սադովից, որը ես եմ պատրաստել՝ կարմիր եւ սպիտակ: Երբ նա Մոլդովայում էր, նա մի քանի անգամ ինձ ասաց, որ մեր գինին շատ համեղ է: Մենք կարող ենք դա կազմակերպել,- ասել է Դոդոնը մոլդովական N4 ալիքի եթերում:

Լրագրողը հարցրել է, իսկ կարո՞ղ է արդյոք ընդունել նման նվեր Պուտինը՝ հաշվի առնելով օրենքները: Հարցին Մոլդովայի նախագահը տվել է հումորային պատասխան:

-Ինչու ոչ, եթե տակառով գինին հյուրասիրելու համար լինի: Թանգարան հո չեն տանելու,-կատակել է նա:

Top-News.am