Ռուսաստանը եւ Ադրբեջանը պայմանավորվել են շարունակել համագործակցությունը ռազմատեխնիկակական ոլորտում

Ռուսաստանը եւ Ադրբեջանը պայմանավորվել են շարունակել աշխատանքները ռազմատեխնիկական համագործակցության ոլորտում, ասել է Ադրբեջանի նախագահ Իլհամ Ալիեւը Ռուսաստանի նախագահ Վլադիմիր Պուտինի հետ հանդիպումից հետո, տեղեկացնում է ՌԻԱ «Նովոստի»-ն։

«Ակտիվորեն զարգանում է ռազմատեխնիկական համագործակցությունը։ Այսօր մենք պայմանավորվեցինք այն մասին, որ կշարունակենք աշխատանքն այդ ուղղությամբ՝ չնայած այն բանին, որ միայն մեր միջեւ ստորագրված պայմանագրերը ռուսական տեխնիկայի ձեռքբերման ոլորտում կազմում են հինգ միլիարդ դոլար, որոնցից երեք միլիարդն արդեն իրացվել է։ Ինչպես ես ասացի, մենք մտադիր ենք շարունակել աշխատանքն այդ ուղղությամբ»,- ասել է նա։