Փոխհրաձգություն բարձրաստիճան պաշտոնյաների միջեւ

Աֆղանստանի Բագլան նահանգում փոխհրաձգություն է տեղի ունեցել նահանգային խորհրդի նախագահի տեղակալի և Պուլի-Հումրի քաղաքի ոստիկանապետի միջև, հայտնել է Աֆղանստանի ՆԳՆ մամուլի ծառայությունը, հաղորդում է Interfax-ը:

Աղբյուրի փոխանցմամբ՝ փոխհրաձգության հետևանքով ոստիկանապետի եղբայրը զոհվել է, իսկ երկու պաշտոնյաները վիրավորվել են:

Նշվում է, որ դեպքը տեղի է ունեցել հոկտեմբերի 2-ին, տեղի ժամանակով, 18: 30-ին:

Ներքին գործերի նախարարությունը միջադեպը հետաքննելու նպատակով հատուկ հանձնաժողով է ստեղծել և գործուղել Բագլան: Հանձնաժողովը ղեկավարում է Ներքին գործերի փոխնախարարներից մեկը: