Դաղստանում տղամարդն ատամի ցավի պատճառով սպանել է բժշկին

Դաղստանի Դերբենտ քաղաքում անհայտ տղամարդը սպանել է ատամնաբույժին, այդ մասին ասված է ՌԴ ներքին գործերի նախարարության Instagram-ի էջում, հաղորդում է Life.ru-ն:

Ըստ ոստիկանության՝ վաղ առավոտյան տղամարդը եկել է բժշկի տուն և բողոքել ատամի ուժեղ ցավից: Բժիշկն առաջարկել է դիմել իրեն աշխատանքային ժամերին, սակայն տղամարդն ասել է, որ այլևս չի կարողանում հանդուրժել ցավը: Ատամնաբույժը համաձայնել է ընդունել հիվանդին, որից հետո սպանել է նրան: Տան բակում հայտնաբերվել է 35-ամյա բժշկի դին:

Նշվում է, որ տղամարդը մահացել է կրծքավանդակի շրջանում կտրող գործիքի հարվածից: Դեպքի վայրում հայտնաբերվել է հուշանվեր-դաշույն, որն էլ, ըստ ամենայնի, հանդիսանում է սպանության գործիքը: Կասկածյալը հետախուզվում է: