ԱՄՆ-ն ընդլայնել է պատժամիջոցները Ռուսաստանի դեմ ՝ «ընտրություններին միջամտելու» համար

ԱՄՆ-ն ընդլայնել է պատժամիջոցները ռուս քաղաքացիների և ռուսական ընկերությունների նկատմամբ «ընտրություններին միջամտելու համար»։ РИА Новости-ի փոխանցմամբ՝ այս մասին հայտնել է ԱՄՆ ֆիննախարարությունը։

Պատժամիջոցային ցանկում ընդգրկվել են Դենիս Կուզմինը և Իգոր Նեստերովը։ Վաշինգտոնի տվյալներով՝ նրանք կապված են ինտերնետային ուսումնասիրություններ անող գործակալության հետ։

Նրանցից բացի, պատժամիջոցները կազդեն Autolex Transport Ltd և Berateх Group Limited ընկերությունների վրա, որոնք գրանցված են Սեյշելյան կղզիներում, ինչպես նաև Չեխիայում գրանցված Linburg Industries Ltd ընկերության վրա։

ԱՄՆ ֆիննախարարության տվյալներով՝ նշված ընկերությունները և ֆիզիկական անձինք կապված են ռուսական բիզնեսի հետ։

Ավելի վաղ ԱՄՆ նախկին հատուկ դատախազ Ռոբերտ Մյուլլերը 13 ռուսների և երեք ռուսական ընկերությունների մեղադրանք էր առաջադրել «ԱՄՆ-ի դեմ դավադրության և խարդախության» մեջ։