Թրամփ-Զելենսկի զրույցի մասին հայտնած գործակալը հանդես կգա Կոնգրեսում

Միացյալ Նահանգների Ազգային հետախուզության պետը պաշտոնապես թույլատրել է իր այն աշխատակցին, որ առաջինն էր հայտարարել նախագահ Դոնալդ Թրամփի` Ուկրաինայի նախագահի հասցեին ուղղված սպառնալիքների մասին, ցուցմունքներով հանդես գալ Կոնգրեսում: Այս մասին հայտնել են ԱՄՆ Ներկայացուցիչների տան անդամները` հավելելով, որ գործակալի ինքնությունը լսումների ընթացքում չի գաղտնազերծվի:

Ազգային հետախուզության ներկայացուցիչները նշել են, որ նախագահ Թրամփի` գործակալի հասցեին ուղղված վերջին կոշտ քննադատությունից հետո լուրջ մտավախություններ ունեն նրա անվտանգության համար: