Ինչպես են ծովափղերը ակորդեոն լսում. (տեսանյութ)

Ծովափղերը հավաքվել են, որպեսզի լսեն… խորհրդային վալս՝ ակորդեոնի կատարմամբ:

Հյուսիսային Սառուցյալ օվկիանոսում արված տեսանյութը համացանցում մեծ դիտումներ է հավաքում: Հոլովակում նավաստին նստել է նավի տախտակամածին և նվագում է ակորդեոնով: Դեպի նավն են ձգվում մի քանի տասնյակ ծովափղեր: Դա տեղի է ունեցել Նոր երկիր արշիպելագից ոչ հեռու, որը հայտնի վայր է ատլանտյան ծովափղերի համար:

Կարծես հիպնոսացած՝ կաթնասունները արձակում են անսովոր ձայներ, ասես ձայնակցում են ակորդեոնին:

Հայտնի է, որ ծովափղերը շատ «երաժշտական են». նրանք ջրի տակ արձագանքում են մատնազարկերի հնչյուններին կամ զանգերին: Բայց, ինչպես պարզվում է, պատրաստ են նաև ջրից հանել գլուխները՝ լսելու համար ակորդեոն, և նույնիսկ հետևել նավին: