Ռոհանին Մակրոնին. ԱՄՆ-ի հետ բանակցություններն անիմաստ են, քանի դեռ գործում են պատժամիջոցները
Իրանի եւ ԱՄՆ բանակցությունները տնտեսական պատժամիջոցների առկայության պայմաններում անիմաստ են։ Այս մասին ասել է Իրանի նախագահ Հասան Ռոհանին ֆրանսիացի պաշտոնակցի՝ Էմանուել Մակրոնի հետ հեռախոսազրույցում, տեղեկացնում է Tasnim-ը։
Նա նշել է, որ ԱՄՆ-ը չի կատարում 2015 թվականի միջուկային համաձայնագրի իր պարտավորությունները դրանից դուրս գալուց հետո։ «Իրանի վարչակազմի, խորհրդարանի եւ ժողովրդի տեսակետից՝ քանի դեռ գործում են պատժամիջոցները, բանակցություններն ԱՄՆ-ի հետ անիմաստ են»,- ասել է նա։
Ռոհանին նշել է, որ Թեհրանը պատրաստ է վերադառնալ իր պարտականությունների կատարմանը համաձայնագրի շրջանակում, ինչպես նաեւ բանակցություններ սկսել միջազգային «վեցյակի» (Ռուսաստան, Չինաստան, ԱՄՆ, Մեծ Բրիտանիա, Ֆրանսիա եւ Գերմանիա) հետ միայն պատժամիջոցները հանելու դեպքում։
Մակրոնն իր կողմից հղում է կատարել ԱՄՆ-ի հետ Իրանի վերաբերյալ իր կառավարության ինտենսիվ բանակցություններին եւ ասել, որ Փարիզը կշարունակի ջանքերը համաձայնագրի իրականացման եւ փոխըմբռնման հասնելու ուղղությամբ։
Իրանի եւ Ֆրանսիայի նախագահները պայմանավորվել են շարունակել այս հարցի շուրջ խորհրդակցությունները։
Ծովի հատակին ոսկու «գանձարան» են գտել
Փակ երկնքի դեպքում Կիևը կկարողանա հարձակվել ռուսական օբյեկտների վրա. Ջաբարով
Ինչպես են գայլերը գյուղի բանուկ մասում հարձակվել գյուղացիների վրա
Ռոմիկ Մխիթարյանը դադարեցնում է Մալաթիա-Սեբաստիա վարչական շրջանի ղեկավարի պաշտոնավարումը
Էրդողանի նվիրած զենքերը խնդրահարույց են դարձել Եվրոպա անցկացնելու համար
Ոստիկանները հայտնաբերել են կանեփ աճեցնելու դեպքեր․ նախաձեռնվել են վարույթներ
Փրկարարները Խաչաղբյուր գետից դուրս են բերել քաղաքացու դին
Հրաժարվել եմ պատգամավորի մանդատից և շարունակելու եմ իմ գործունեությունը՝ որպես Վայոց ձորի մարզպետ. Վ...
Հրդեհ` Պուշկինի փողոցում գտնվող ռեստորանային համալիրներից մեկում․ կանխվել է տարածումը
Թեհրանը հավերժ կմնա Հորմուզի նեղուցի պահապանը․ Արաղչի