Ֆրանսիայում ամառային տապը խլել է 1500 մարդու կյանք

Ֆրանսիայում ամառային տապը խլել է 1500 մարդու կյանք, սակայն հանրության շրջանում իրազեկման արշավը փրկել է բազմաթիվ կյանքեր: Այդ մասին հայտարարել է Ֆրանսիայի առողջապահության նախարար Ագնես Բուզինը, հաղորդում է AP-ը:

Նրա խոսքով՝ զոհվածների կեսը 75-ից բարձր տարեկան էր: Նախարարը հայտնել է, որ տապը Ֆրանսիայում տեւել է 18 օր:

Այդուհանդերձ, նա նշել է, որ այս տարի զոհերի թիվն ավելի քիչ էր, քան 2003 թվականին էր, երբ սարսափելի տապի հետեւանքով զոհվել էր 15 000 մարդ: «Մենք հասել ենք հաջողության կանխարգելման, գործուն ուղերձների շնորհիվ, որի վրա ուշադրություն է դարձրել Ֆրանսիայի բնակչությունը. հրանավոր է դարձել կրճատել մահացությունը 10 անգամ»:

Նշենք, որ այս տարի հունիսին եւ հուլիսին օդի ջերմաստիճանը Ֆրանսիայի մի քանի շրջաններում, այդ թվում՝ Փարիզում, կազմել է 43 աստիճան եւ ավել: