«Մի՞թե դա ամեն պապի երազանքը չէ». Մեգան Մարքլի հայրը խոսել է աղջկան անմնացորդ սիրելու, վերջինիս անտարբերության և թոռանը տեսնելու ցանկության մասին
Սասեքսի դքսուհի Մեգան Մարքլի հայրը՝ Թոմաս Մարքլն իր թոռան՝ Արչի Հարիսոն Մաունթբաթեն-Վինձորի լույս աշխարհ գալուց հետո առաջին անգամ հարցազրույց է տվել Daily Mail պարբերականին և հայտնել, որ իրեն անարդարացիորեն հեռու են պահում իր թոռից:
«Ես կցանկանայի, որ նրանք ինձ ուղարկեին Արչիի լուսանկարը, որպեսզի ես կարողանայի այն դնել շրջանակի մեջ և կախել Մեգանի լուսանկարի կողքին: Մի՞թե դա ամեն պապի երազանքը չէ»,- հայտնել է Մեգանի հայրը և հավելել, որ կցանկանար նաև պարզել, թե արդյոք փոքրիկը ժառանգել է «Մարքլների հայտնի քիթը»:
Նրա հաղորդմամբ՝ չափազանց ցավալի է, որ իր թոռանը կարողանում է տեսնել միայն համացանցի լուսանկարների միջոցով:
Նախկին դերասանուհու հայրը նշել է, որ անցյալ ամիս աղջկա ծննդյան օրվա կապակցությամբ նրան բացիկ է ուղարկել վերջինիս ֆինանսական խորհրդատուի միջոցով, սակայն վստահ չէ, որ աղջիկը ստացել է իր բացիկը:
Նրա խոսքով՝ թեև իրենց միջև անդունդ է գոյացել, սակայն նա անմնացորդ սիրում է դստերը:
«Ես սիրում եմ իմ դստերը: Նա իմ երեխան, է և սա իմ սիրելի լուսանկարն է»,- հայտնել է Թոմասը՝ մատնանշելով հյուրասենյակում կախված Մեգանի լուսանկարը, որտեղ Սասեքսի դքսուհին 2 տարեկան է:
«Մենք այնքան մտերիմ էինք: Աշխատանքից տուն էի վերադառնում ու նրան սեղմում էի կրծքիս. մենք սիրում էինք ժամերով զբոսնել»,- հայտնել է Թոմասը և ցավով նշել, որ երբ սրթի կաթված էր տարել, աղջիկը ոչ մի անգամ չի հետաքրքրվել իր առողջական վիճակով:
«Միշտ հուսացել եմ, որ Մեգանի երեխայի հետ կլինեմ այնքան մտերիմ, որքան փոքր տարիքում նրա հետ էի»,- եզրափակել է Թոմաս Մարքլը և հույս հայտնել, որ մի օր կտեսնի թոռանը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը