Որտե՞ղ է կապը․ Ջիջի Հադիդը ներկայացել է թոփլես եւ կոչ արել՝ պայքարել անտառային հրդեհների դեմ

24-ամյա Ջիջի Հադիդը նկարահանվել է բրազիլական Vogue ամսագրի շապիկին։ Մոդելը, որին այժմ սիրավեպ են վերագրում մոդել եւ ռեալիթի շոուի մասնակից 26-ամյա Թայլեր Քեմերոնի հետ, կադրերից մեկում ներկայացել է կիսամերկ։ Լուսանկարում Հադիդը պատկերված է թոփլես, կրում է Wolford զուգագուլպաներ, Eric Javits-ի գլխարկ եւ Chanel-ի վզնոց։

Կադրերով Ջիջին կիսվել է նաեւ իր Instagram-ում, ճիշտ է նա ցանկացել է ոչ միայն պարծենալ հերթական նվաճումով, այլեւ ուշադրություն հրավիրել անտառային հրդեհների խնդրին։

Ես ցանկանում եմ ձեր ուշադրությունը հրավիրել Բրազիլիայի կարեւոր խնդրին։ Իմ սիրտը արմատներով Ամազոնից է։ Դուք նույնպես կարող եք նվիրատվություն անել, որպեսզի աջակցենք տեղի բնակչությանը, կանգնեցնենք փլուզումները եւ պաշտպանենք նրանց իրավունքը, - գրել է Հադիդը՝ կիսվելով Amazon Watch բարեգործական կազմակերպության էջով։