Նավթի արդյունահանումը Մեքսիկական նեղուցի ամերիկյան մասում ռեկորդային ցուցանիշի է հասել

Deepwater Horizon հարթակում վթարից ավելի քան վեց տարի անց Մեքսիկական նեղուցի ամերիկյան մասում նավթի շելֆային արդյունահանումը մոտենում է պատմական առավելագույնին, հայտնել է «Բլումբերգ» գործակալությունը։

2010-ի ապրիլին Deepwater Horizon հարթակում տեղի էր ունեցել պայթյուն, որը ԱՄՆ պատմության մեջ խոշորագույն էկոլոգիական աղետն էր դարձել։ Նավթի արտահոսքը հաջողվել էր կանգնեցնել միայն 2010-ի օգոստոսի 4-ին։ Վթարի հետեւանքով զոհվել էր 11 մարդ, Մեքսիկական նեղուցի ջրերն էր թափվել մոտ 5 մլն բարել հում նավթ։

Նոյեմբերին դաշնային ջրերի հանքավայրերից արդյունահանումը կազմել է օրական 1․68 մլն բարել նավթ, ինչը ռեկորդային մակարդակ է 2010-ի փետրվարից այս կողմ։

Այս ցուցանիշը սկսել է աճել 2013-ից սկսած։ Ավելին, նավթի գների վերջին կայունացումը կարող է նպաստել մատակարարումների հետագա աճին։

Լուրեր Հայաստանից - NEWS.am