41 կգ. Անջելինա Ջոլիի ընկերները խոստովանել են, որ չափազանց անհանգստացած են դերասանուհու առողջական վիճակով (լուսանկարներ)

Հոլիվուդյան դերասանուհի Անջելինա Ջոլիի ընկերներից մեկը խոստովանել է, որ չափազանց անհանգստացած է դերասանուհու առողջական վիճակով: Ընկերոջ խոսքով՝ իրեն մասնավորապես անհանգստացնում է դերասանուհու քաշը, որը հասել է ընդամենը 41 կիլոգրամի, գրում է gossipcop.com-ը:

Նրա խոսքով՝ դերասանուհու առողջական վիճակով անհանգստացած են նաև նրա մյուս բոլոր ընկերները, որոնք հորդորում են վերջինիս հիվանդանոց գնալ:

Նրանց ջանքերի շնորհիվ դերասանուհին բժշկական խորհրդատվության է դիմել, և բժիշկները, ընկերոջ փոխանցմամբ, 44-ամյա Ջոլիին կարգադրել են հետևել սննդակարգի, սկսել լիարժեք և կանոնավոր սնվել, այլապես նրա ծայրահեղ հյուծվածությունը կարող է նրան մահվան շեմին հասցնել:

Նրա ախորժակի կորուստը, ինչպես հաղորդում է աղբյուրը, սկսվել է դերասան Բրեդ Փիթի հետ սկանդալային ամուսնալուծությունից հետո: Իսկ բոլորովին վերջերս իր սիրելի ավագ որդուն Հարավային Կորեայի Յոնսեյի համալսարան ճանապարհելուց հետո նա «չի դադարում արտասվել» և չի կարողանում համակերպվել այդ փաստին, ինչից դերասանուհին ավելի է հյուծվել:

Վերջերս ET-ի հետ զրույցում որդուն օդանավակայանում ճանապարհելու հուզիչ պահի մասին խոսելիս դերասանուհին հայտնել էր, որ «մեծ ակնոցներ է կրել», որպեսզի որդին չտեսնի իր արցունքները, և գրեթե վեց անգամ շրջվել և ձեռքով է արել նրան:

«Նա սիրալիր կերպով կանգնել և ի պատասխան թափահարում էր ձեռքը, գիտեր, որ կշրջվեմ»,- հայտնել էր 44-ամյա դերասանուհին և հավելել, որ որդին՝ Մեդոքսը, նույնպես չէր ցանկանում լքել օդանավակայանը: