Կոշիկի ավելի քան 200 ընկերություններ Թրամփին կոչ են արել հանել չինական ներմուծման տուրքերը

Կոշիկի ավելի քան 200 ընկերություններ կոչ են արել ԱՄՆ նախագահ Դոնալդ Թրամփին չեղարկել չինական ներմուծման ավելի բարձր սակագները, որոնք ուժի մեջ են մտնելու սեպտեմբերի 1-ից՝ դրանք անվանելով թաքնված հարկեր, որոնք կբարձրացնեն սպառողական գները, տեղեկացնում է Reuters-ը։

«Սեպտեմբերին Չինաստանից կոշկեղենի մեծամասնության վրա տուրքեր դնելը, ներառյալ կաշվից կոշիկի գրեթե բոլոր տեսակները, թույլ չի տա աշխատասեր ամերիկացի քաղաքացիներին եւ ընտանիքներին խուսափել այն վնասից, որը կապված կլինի հարկերի բարձրացման հետ»,- գրում են ընկերությունները Թրամփին ուղղված նամակում։

Այն ժամանակ, երբ չինական ներմուծման որոշ տեսակների սակագների բարձրացումը հետաձգվել է մինչեւ դեկտեմբերի 15-ը, կոշկեղենի մեծամասնության պարագայում կա հավելյալ 15 տոկոս սակագին, որն ուժի մեջ կմտնի սեպտեմբերի 1-ից։ Դա գումարվում է այն սակագներին, որոնք արդեն կազմում են միջինը 11 տոկոս եւ հասնում 67 տոկոսի կոշիկի որոշ տեսակների համար։