Սթիվ Ջոբսը ո՞ղջ է

 Apple-ի հիմնադիրի մահվանից անցել է մոտ 8 տարի, բայց ոչ բոլորն են համաձայն հաշտվել իրականության հետ: 

Reddit-ի Sheshesheqwerty օգտատերը հրապարակել է մի լուսանկար, որը շատ օգտատերերի ստիպել է հուզվել: Լուսանկարի տղամարդը, որը նստած է աթոռին Եգիպտոսի փողոցներից մեկում, զարմանալիորեն նման է հայտնի գյուտարար եւ ձեռնարկատեր Սթիվ Ջոբսին: Հրապարակման հեղինակի խոսքերով, Apple-ի հիմնադիրը, որը վախճանվել է 2011-ին երկարատեւ հիվանդությունից հետո, ուղղակի բեմադրել է իր մահը:

Հրապարակումը հավաքել է ավելի քան 80 հազար հավանում: Օգտատերերը սկսել են վարկածներ առաջ քաշել քննարկելով լուսանկարը: Շատերն այնքան են տպավորվել լուսանկարի տղամարդու եւ Ջոբսի նմանությամբ, որ սկսել են հավատալ, որ իրոք, Ջոբսը ողջ է: Որպես հաստատում, նրանք նշել են, որ գյուտարարի հայրը սիրիացի էր, այդ պատճառով էլ նա թաքնվում է արաբական երկրում: Ինչպես նաեւ, Ջոբսը, ինչպես եւ լուսանկարի տղամարդը, սիրում էր ոտաբոբիկ քայլել: 

Բայց ոչ բոլորին է հնարավոր եղել համոզել: Օգտատերերից շատերը քննադատաբար նկատել են, որ լուսանկարում ընդամենը Ջոբսի նմանակն է: Մի քանիսն էլ

կատակել են, որ լուսանկարում Ջոբսը չի, քանի որ լուսանկարի տղամարդը չի կրում  Apple Watch եւ նրա հագին Ջոբսի ֆիրմային սեւ վերնաշպիկը չէ:  

Top-News.am