Ողջ աշխարհում ցուցարարները դուրս են եկել Բրազիլիայի դեսպանատների մոտ՝ պահանջելով նախագահից քայլեր ձեռնարկել Ամազոնի անտառներում ռեկորդային թվով հրդեհները մարելու համար
Ամբողջ աշխարհում ցուցարարները դուրս են եկել Բրազիլիայի դեսպանատների մոտ՝ պահանջելով նախագահ Ժաիր Բոլսոնարուից քայլեր ձեռնարկել Ամազոնի արևադարձային անտառներում ռեկորդային թվով հրդեհները մարելու համար, գրում է -ը:
Աղբյուրի հաղորդմամբ՝ ցուցարարները Լոնդոնում, Ժնևում, Փարիզում, Մադրիդում, Միլանում և Բեռլինում հավաքվել են հյուպատոսարանների մոտ և ճանապարհներ փակել՝ պատմության մեջ վատագույն հրդեհները կանգնեցնելու կարգախոսներով և պաստառներով:
Բողոքի ցույցի մասնակիցները Փարիզում Բրազիլիայի դեսպանատան մոտ վանկարկել են՝«Բոլսոնարու, հեռացի՛ր»:
Ցույցերը հաջորդել են Ֆրանսիայի նախագահ Էմանուել Մակրոնի այն դիտարկմանը, որ Բրազիլիայում գտնվող Ամազոնի խոնավ արևադարձային անտառներում ռեկորդային թվով հրդեհները «միջազգային ճգնաժամ» է, որը պետք է «Մեծ Յոթնյակի» (G7)՝ օրերս կայանալիք գագաթնաժողովի օրակարգում առաջնային քննարկման դրվի:
Մեծ Բրիտանիայում ցույցի մասնակիցները հավաքվել են երկրի մայրաքաղաքում գտնվող հյուպատոսության մոտ՝ կոչ անելով Բոլսոնարույին կանխել Ամազոնի արևադարձային անտառների զանգվածային հրդեհները:
Նշենք, որ վերջին շաբաթվա ընթացքում Ամազոն գետի շրջանում 9500 հրդեհ է բռնկվել:
Ամազոնի խոնավ արևադարձային անտառն աշխարհում ամենամեծն է, և այն կենսական նշանակություն ունի տարբեր գազերի արտանետումների կլանման գործում: Այն նաև աշխարհում դանդաղեցնում է գլոբալ տաքացումը:
Հրդեհների թվի ռեկորդային աճի համար քննադատները մեղադրում են երկրի նախագահ Ժաիր Բոլսոնարուին, որը, նրանց խոսքով, չի կանգնեցնում անտառահատումներն ու ֆերմերներին խրախուսում է ընդլայնել իրենց տարածքները:
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Շինարարական ընկերություններին ներկայացվող պահանջները խստացվել են
Աշխարհի միլիարդատերերի համակցված կարողությունը հասել է պատմական առավելագույնի
Համատեղ ջանքերի շնորհիվ մեզ կհաջողվի նոր մակարդակի բարձրացնել երկկողմ քաղաքական երկխոսությունը․ Փաշի...
ԱՄՆ-ում առատ ձյան տեղումների և սառույցի պատճառով 24 նահանգներում արտակարգ դրություն է հայտարարվել
ՌԴ Կուրսկի մարզի նահանգապետը ճանապարհատրանսպորտային պատահարի է ենթարկվել. նա հիվանդանոցում է
Փոսը շրջանցելու համար, վարորդները երթևեկում են հանդիպակաց գոտիով՝ վթարային իրավիճակնեը ստեղծելով մյո...
Մահացել է Երևանի նախկին քաղաքապետ Ռոբերտ Նազարյանը
Դաշնային կառավարությունը պետք է գերմանական ոսկու հայրենիք ամբողջական վերադարձի հստակ ժամանակացույց ն...
Մելանյա Թրամփի ամենաթանկ պայուսակները. կոկորդիլոսի Birkin-ը, որի արժեքը հարյուր հազարավոր դոլարներ է...