Դատարանը երկու ամսով երկարաձգեց Աթամբաևի կալանքը
Դատարանը երկու ամսով՝ մինչև հոկտեմբերի 26-ը երկարաձգել է Ղրղըզստանի նախկին նախագահ Ալմազբեկ Աթամբաևի կալանքը: Ավելի վաղ դատարանի կողմից ընդունված որոշման համաձայն՝ Աթամբաևը կալանքի տակ պետք է մնար մինչև օգոստոսի 26-ը:
Նախկին նախագահի փաստաբանական թիմը նոր որոշումը համարում է «օրենքի հերթական խախտում»:
2011 թվականից վեց տարի Ղրղըզստանը ղեկավարած Աթամբաևը ձերբակալվել է օգոստոսի 9-ին՝ երկու օր շարունակված հատուկ գործողություններից հետո: Երկրի ուժայինները գրոհել են նրա նստավայրի վրա և բերման ենթարկել, նախկին նախագահը մինչ այդ հրաժարվում էր ներկայանալ հարցաքննության: Բիշքեկից քիչ հեռու գտնվող Կոյ Տաշ ավանում նախկին նախագահի նստավայրի մոտ վերջինիս աջակիցները զինված դիմադրություն էին ցույց տվել, հատուկ ջոկատայիններից մեկը զոհվել էր, մի քանիսը՝ գերեվարվել, տասնյակ մարդիկ ստացել էին մարմնական վնասվածքներ:
Աթամբաևը անցնում է 14 քրեական գործերով՝ անկարգությունների կազմակերպումից ու մարդկանց գերեվարումից մինչև զենք-զինամթերքի ապօրինի շրջանառություն ու սպանության փորձ:
Դատախազությունը քրեական գործ է հարուցել նաև նախկին նախագահի կնոջ՝ Ռաիսա Աթամբաևայի նկատմամբ: Ըստ քննության, նախկին առաջին տիկինը ճնշում է գործադրել դատավորների վրա և միջամտել ամուսնու քաղաքական որոշումներին:
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
Թեհրանը հավերժ կմնա Հորմուզի նեղուցի պահապանը․ Արաղչի
Ես չեմ ուզում հիմա բանակցել. Թրամփ
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը
Կենսաչափական նոր անձնագրերի տպագրության մեկնարկը տրված է
Առաջիկա օրերին սպասվում է փոփոխական եղանակ․ ջերմաստիճանը կնվազի