Դուեյն Ջոնսոնը 12 տարվա համատեղ կյանքից հետո ամուսնացել է հայուհի Լորեն Հաշիանի հետ

47-ամյա դերասան Դուեյն Ջոնսոնը, որը հայտնի է դարձել գերազանցապես մարտաֆիլմերում նկարահանվելու շնորհիվ, 12 տարվա համատեղ կյանքից եւ երկու դուստրերի ծնունդից հետո ամուսնացել է սիրելիի՝ հայուհի Լորեն Հաշիանի հետ։

 Instagram-յան էջում Դուեյնը հրապարակել է ամուսնական լուսանկարը Լորենի հետ եւ հայտնել, որ արարողությունը տեղի է ունեցել Հավայան կղզիներում օգոստոսի 18-ին։ Մեկնաբանություններում դերասանին շտապել են շնորհավորել նրա կոլեգաներն ու ընկերները, այդ թվում կատակերգու Քեւին Հարթը, մարզիկ Թոմ Բրեյդին, դերասանուհիներ Քարեն Գիլանը եւ այլք։

 Լորեն Հաշիանը ծնվել է իտալացի եւ հայ գաղթականների ընտանիքում, այս համադրության շնորհիվ ժառանգել է երաժշտական տղաղանդը, իսկ մայրիկից, որի նախնիներն անգլիացիներ էին, ճենապակյա գունատություն եւ ֆոտոմոդելի արտաքին։

Սիրավեպը բռնկվել է դեռ 2007թ.-ին, իսկ 2013թ.-ին զույգն առաջին անգամ միասին հայտնվեց «Бросок кобры-2: Возмездие» ֆիլմի սահմանափակ ցուցադրությանը, որում Ջոնսոնի հետ խաղացել են Բրյուս Ուիլիսը եւ Չենինգ Տատումը։ Երկու տարի անց ծնվեց Լորենի եւ Դուեյնի առաջին դուստրը՝ Ժասմինը, իսկ 2018թ.-ի գարնանը՝ Թիանան։