Ալիևի և Սերժի տարբերությունը

«Մենք 25 տարի է ինչ անկախ պետություն ենք, եւ կարողացել ենք դրան հասնել առանց որեւէ մեկի օգնության, առանց ինչ-որ մեկի փեշից կառչելու: Այսօր մենք պետք է բացահայտ ասենք, որ որպես անկախ պետություն Հայաստանի գոյությունը աշխարհի քարտեզի վրա ձեւական է: Նա սեփական ապագան ինքնուրույն որոշել չի կարող» -
Իլհամ Ալիև

Իհարկե կարելի է Ալիևին հայհոյել, բայց դա չի խնդիրը։ Խնդրին այն է, որ այս խոսքերի մեջ սուտ բան չկա։ Ալիևը, ի տարբերություն Սերժ Սարգսյանի, ինչ մտածում է, ասում է ու եթե նկատած լինեք, ի տարբերություն Սերժ Սարգսյանի սուտ չի խոսում։
Թշնամու խոսքերին պետք է լուրջ վերաբերվել, այլ ոչ թե ծաղրել։
Հիմա փորձենք հասկանալ, թե ինչ է ասել.

ԹԵԶ 1

Որպես անկախ պետություն Հայաստանի գոյությունը աշխարհի քարտեզի վրա ձեւական է

ԹԵԶ 2

Ադրբեջանը 25 տարի է ինչ անկախ պետություն է, եւ կարողացել է դրան հասնել առանց որեւէ մեկի օգնության, առանց ինչ-որ մեկի փեշից կառչելու:

Այ հենց այս երկու թեզերը որ վերլուծենք, շատ հետաքրքիր շերտեր կբացահայտվեն՝ աշխարքաղաքական, տնտեսական, արժեքային համակարգի և այլն, որոնք բոլորը միմյանց հետ փոխկապակցված են։

Ինչի՞ եմ սա ասում։ Այս երկու թեզերի վերլուծությունը և դրանցից հետևություններ անելը հենց այն է, ինչը պետք է իրենց ելույթներում ներկայացնեն ընտրություններին մասնակցող կուսակցությունները։

Իսկ եթե այլ բաների մասին են խոսում, ուրեմն նույն ... հետևությունը ինքնուրույն արեք։

Ստեփան Դանիելյանի ֆեյսբուքյան էջից