Ռոստովում բնակվող 18-ամյա հայ տղան հաշմանդամ կնոջը փրկել է այրվող տնից
Ռուսաստանի Դաշնության Ռոստովի մարզում բնակվող 18-ամյա ուսանող Հովսեփ Գևորգյանը այրվող տնից փրկել է Կամենսկ-Շախտինսկի քաղաքի բնակչուհուն:
Ինչպես տեղեկացնում է Rusarminfo-ն՝ վկայակոչելով ՌԴ ԱԻՆ Ռոստովի գծով գլխավոր մարզային վարչության մամլո ծառայությանը, օգոստոսի 1-ին հրդեհ է բռնկվել Կամենսկ-Շախտինսկի տներից մեկում, այրվել է տան տանիքը: Հովսեփ Գևորգյանը, գտնվելով մոտակայքում և նկատելով կրակը, առանց մտածելու նետվել է դեպի այրվող տուն:
Հայտնվելով տան ներսում՝ երիտասարդը հաշմանդամ կնոջ է գտել և առանց խուճապի մատնվելու նրան դուրս է բերել փողոց: Օգնության հասած ընկերը նրանց հետևից դուրս է բերել կնոջ անվասայլակը:
«Այդ պահին ես իսկապես չէի մտածում վտանգի մասին, սակայն եթե նման բան ևս մեկ անգամ պատահի, կրկին կնետվեմ օգնության առանց մտածելու: Կարծում եմ՝ իմ փոխարեն յուրաքանչյուրն էլ այդպես կվարվեր», - ասել է Հովսեփը «Կոմսոմոլսկայա պրավդա»-ի հետ զրույցում:
Նշվում է, որ փողոցում գտնվող ականատեսները հրշեջ ծառայություն են զանգել, և դեպքի վայր ժամանած հրշեջները մարել են կրակը և շնորհակալություն հայտնել երիտասարդին դրսևորած անձնուրացության համար:
Իրանը հարվածներ է հասցրել Բահրեյնում գտնվող ամերիկյան բազային
Քննարկվել են Հայաստանի ներգրավվածության հնարավորությունները
ՆԳՆ քրեական ոստիկանները Աջափնյակի գործով հետախուզվողների են հայտնաբերել. մանրամասներ
Ես չեմ ուզում հիմա բանակցել. Թրամփ
Թեհրանը հավերժ կմնա Հորմուզի նեղուցի պահապանը․ Արաղչի
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
ՀԷՑ-ը 2 միլիարդի հիմնանորոգում է իրականացնելու
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
Առաջիկա օրերին սպասվում է փոփոխական եղանակ․ ջերմաստիճանը կնվազի
Տեղի է ունեցել Երևանի «Ոսկե ծիրան» միջազգային 23-րդ կինոփառատոնի բացման հանդիսավոր արարողությունը