Բրազիլիայում բանդայի պարագլուխը փորձել է փախչել բանտից իր 19-ամյա դստեր պես հագնված (տեսանյութ)
Ռիո դե Ժանեյրոյի բանտերից մեկում երկարամյա ազատազրկման դատապարտված թմրավաճառների բանդայի պարագլուխը փորձել է փախչել՝ 19-ամյա դստեր պես հագնվելով, հաղորդում է The Guardian-ը՝ վկայակոչելով քրեակատարողական հիմնարկների տեղական վարչությանը:
Հաղորդվում է, որ 42-ամյա Կլաուվինո դա Սիլվան, որը դատապարտվել է 73 տարվա ազատազրկման, կիրակի համարձակ փախուստի փորձ է ձեռնարկել, երբ այցելուներ է ընդունել, որոնց թվում եղել է նաև նրա դուստրը:
Կերպարանափոխության համար դա Սիլվան օգտագործել է կեղծամ, լատեքսից դիմակ և կանացի բաճկոն, որը զարդարված է եղել վարդագույն դոնաթների նկարներով: Թիկնապահները կարողացել են ձերբակալել հանցագործին «Ժերիսինո» բանտից փախուստի փորձ ձեռնարկելու ժամանակ՝ նկատելով նրա վարքագծի կասկածելի դրսևորումները:
Պորտալի կայքում տեղադրված տեսանյութում երևում է, թե ինչպես է ձերբակալվածը բառացիորեն «մերկանում» տեսախցիկի առջև. սկզբում հանում է կեղծամը, ապա դիմակը և վերջապես վերնաշապիկը:
Ըստ վարկածի՝ հանցագործին անհրաժեշտ իրերը բանտ է տարել վերջինիս հղի այցելուն, որին անվտանգության աշխատակիցները չեն խուզարկել:
Հաղորդվում է նաև, որ փախուստի ձախողումից հետո տղամարդուն խիստ ռեժիմի բանտ են տեղափոխել, նրան կարգապահական տույժեր են սպառնում:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել