Forbes-ի «ՌԴ շոու բիզնեսի և սպորտի մինչև 40 տարեկան ամենահաջողակ աստղերի» վարկանիշում երեք հայ է ընդգրկվել

Հեղինակավոր Forbes ամսագրի ռուսական տարբերակը հրապարակել է Ռուսաստանի «Շոու-բիզնեսի և սպորտի ամենահաջողակ մինչև 40 տարեկան աստղերի» 2019-ի վարկանշային աղյուսակը:

Ինչպես ներկայացնում է Rusarminfo-ն, 40 տարեկանից ցածր 40 ամենահաջողակ ռուսների ցանկում են ընդգրկվել հայազգի ներկայացուցիշները:

Թենիսի համաշխարհային վարկանիշում 11-րդ տեղը զբաղեցնող Կարեն Խաչանովը հայտնվել է 20-րդ հորիզոնականում՝ 4.1 մլն դոլար կարողություն ունենալով:

Վարկանշային աղյուսակի 22-րդ կետում հայտնվել է կատակերգու դերասան Միխայիլ Գալուստյանը, որի եկամուտները կազմում են 2.2 մլն դոլար, իսկ հետևորդների թիվն Instagram-ում՝ 10 մլն: Ըստ պարբերականի՝ շոու բիզնեսի շուկայի փորձագետների գնահատմամբ՝ Գալուստյանի համերգային շրջագայությունները շուրջ մեկ մլն դոլարի եկամուտ են բերել նրան:

Վարկանիշի վերջին տողում է հայտնվել հայկական արմատներով ռուս գեղասահորդուհի Եվգենյա Մեդվեդևան (Բաբասյան): Վարկանիշի ամենաերիտասարդ ներկայացուցիչներից մեկի կարողությունը գնահատվում է 700 000 դոլար: