«Հայաստանը ներդրումների համար լավագույն երկրներից է». բլոգեր Նուսեյր Յասինը նոր տեսանյութ է հրապարակել (տեսանյութ)

Արաբական ծագմամբ հայտնի իսրայելցի բլոգեր Նուսեյր Յասինը (Նաս Դեյլի), որը վերջին երեք տարիների ընթացքում ավելի քան 60 երկիր է այցելել, իր Facebook-ի էջում հրապարակված նոր տեսանյութում պատմել է, թե աշխարհի որ չորս երկրներում կարելի է ներդրումներ անել և չկորցնել գումարը:

Բլոգերն առաջին հերթին խորհուրդ է տալիս ներդրումներ կատարել Հայաստանում, ուր նա այցելել էր 2018 թվականի ամռանը:

«Հայաստանում ներդրումներ չկատարելու բազմաթիվ պատճառներ կան։ Ես նույնիսկ չգիտեմ, թե ինչ լեզվով են նրանք խոսում։ Բայց կա մի շատ կարևոր պատճառ, որի համար անհրաժեշտ է ներդրում կատարել այս երկրում, և դա հենց հայերն են, այդ երկրի մարդիկ»,- իր տեսանյութում հայտնել է բլոգերը:

Նա պատմել է նաև, որ աշխարհում ապրում է ավելի քան 10 միլիոն հայ, որոնք պատրաստ են զարգացնել փոքր հարավկովկասյան երկիրը՝ ներդրումներ կատարելով կրթության, ստարտափների և անշարժ գույքի մեջ:

Յասինի խոսքով՝ Հայաստանում ներդրված 1000 դոլարն ակնթարթորեն տասն անգամ կավելանա:

Բլոգերն իր նոր տեսահոլովակում խորհուրդ է տվել ներդրումներ կատարել նաև ԱՄՆ-ի Յուտա նահանգում, Սինգապուրում և Շրի Լանկայում:

Բաժանորդագրվեք Top-News.am-ին Telegram-ում