Բեն Աֆլեքը սիրավեպ է սկսել իր 28-ամյա խոհարարի հետ

Հոլիվուդյան դերասան, կինոռեժիսոր Բեն Աֆլեքը սիրավեպ է սկսել իր խոհարարի հետ, որը դերասանից փոքր է մոտ 20 տարով, գրում է woman.ru-ն:

Ինչպես հաղորդում է աղբյուրը՝ 46-ամյա հայտնի դերասանը նախկին կնոջ՝ Ջենիֆեր Գարների հետ ամուսնալուծությունից հետո, կրկին սկսել էր ալկոհոլը չարաշահել: Դրա պատճառով նա բաժանվել է նախկին սիրելիից՝ պրոդյուսեր Լինդսի Շուկուսից, այնուհետև զրկվել «Բեթմեն»-ի հետագա դերից և ռեժիսորի «աթոռից»:

Ավելի վաղ հայտնի էր դարձել, որ «Բեթմեն»-ի պրոդյուսերները կհրաժարվեն Աֆլեքի հետ համագործակցությունից՝ ալկոհոլի հետ կապված խնդիրների պատճառով, որը կարող է ֆիլմի արտադրության ձախողման սպառնալիք հանդիսանալ:

Սակայն մի քանի ամիս վերականգնողական հաստատությունում բուժում ստանալուց հետո, Աֆլեքը վերադարձել է իր բնականոն կյանքին:

Աղբյուրը հաղորդում է, որ նա նույնիսկ նոր սիրավեպ է սկսել 28-ամյա Գաբրիել Կոնիլյոյի՝ իր անձնական խոհարարի հետ:

Աղբյուրի տվյալներով՝ Աֆլեքը և Գաբրիելը դերասանի տանն ապրում են որպես ամուսնական զույգ, հաճախ զբոսնում են միասին և գնումների գնում:

Բաժանորդագրվեք Top-News.am-ին Telegram-ում