Քեյթ Միդլթոնը և Մեգան Մարքլը միասին զբոսնել են երեխաների հետ (լուսանկարներ)

Երևում է՝ բրիտանական թագավորական ընտանիքի հարսներ Մեգան Մարքլի և Քեյթ Միդլթոնի թշնամանքն ավարտին է մոտեցել: Արքայազն Հարիի և Մեգան Մարքլի առաջնեկի՝ Արչի Հարիսոնի ծննդից հետո, կանայք սկսել են ավելի շատ ժամանակ անցկացնել միասին և նույնիսկ միասին զբոսնել են երեխաների հետ, գրում է woman.ru-ն:

Լրատվամիջոցները նշում են, որ Քեյթ Միդլթոնի և Մեգան Մարքլի հարաբերություններում խնդիրները շարունակվել են ավելի քան մեկ ամիս: Արքայազն Հարիի կնոջը մեղադրում են «ծանր» բնավորություն ունենալու, իսկ Ուիլյամի կնոջը՝ նոր ազգականին նախանձելու համար:

Թեև թագավորական ընտանիքի անդամների միջև թշնամական հարաբերություններ ունենալու մասին խոսակցություններին, թագավորական ընտանիքի երկրպագուները հույս ունեին, որ կանայք ընդհանուր լեզուն կգտնեն:

Նշվում է, որ կանանց հարաբերություններն արքայազն Արչիի ծննդից հետո ջերմացել են, գրում է աղբյուրը: Հուլիսի 10-ին երկու կանայք երեխաների հետ դուրս են եկել զբոսանքի: Պապարացիներին հաջողվել է լուսանկարել մեկամյա արքայազն Լուիի առաջին քայլերը և Մեգան Մարքլին՝ երկու ամսական որդու հետ:

Լուսակարներից դատելով՝ դքսուհիներն անցյալում են թողել իրենց թշնամանքը: Լուսանկարներում երևում է, թե ինչպես է Քեյթ Միդլթոնը հիանում փոքրիկ Արչիով:

Աղբյուրը հաղորդում է, որ այդ օրը Լոնդոնի մերձակայքում տեղի է ունեցել պոլոյի բարեգործական խաղ, որին մասնակցել են արքայազն Ուիլյամն ու Հարին։ Դքսուհիները որոշել են երկրպագել սիրելիներին ոչ թե տրիբունաներում, այլ մրցույթի անցկացման վայրից ոչ հեռու՝ երեխաների հետ: