Մեգան Մարքլի կրած զարդի պատճառով ոսկերչական բրենդի կայքը «կոտրվել» է (լուսանկար)

Սասեքսի դքսուհի Մեգան Մարքլը Սերենա Ուիլյամսի մասնակցությամբ թենիսի խաղին ներկայացել էր ավստրալացի դիզայներ Էմմա Սվենի (Emma Swann) վզնոցով, որից հետո Verse Fine Jewellery խանութի կայքի աշխատանքը խափանվել է այդ զարդի մեծ քանակությամբ պատվերների պատճառով, գրում է handofmoscow.com-ը:

Մեգան Մարքլը հուլիսի 4-ին ներկա է գտնվել Սերենա Ուիլյամսի մասնակցությամբ թենիսի խաղին, որի ժամանակ կրել է «A» տառով վզնոց, որը խորհրդանշում է դքսուհու որդու՝ Արչիի անվան սկզբնատառը: Դրանից անմիջապես հետո Սվենը հայտնել է, որ իր կայքը դադարել է աշխատել այցելուների հոսքի պատճառով, որոնք ցանկանում են տարբեր տառերով միևնույն վզնոցից ձեռք բերել:

«Այդ օրվանից հետո շատ պատվերներ եմ ստացել: Մարդիկ տարբեր առիթներով են ցանկանում ձեռք բերել զարդը. ոմանք երեխաների կամ ծնողների, մյուսները՝ մկրտության նպատակով: Հրաշալի է»,-հայտնել է դիզայները:

Սվենը նշել է, որ երբեք անձամբ չի շփվել դքսուհու հետ, բայց թագավորական ընտանիքի մեծ երկրպագուն է: Վզնոցն արժե 590 դոլար:

Ավելի վաղ՝ հուլիսին, նորաձևության փորձագետները թաքնված իմաստ էին տեսել Սասեքսի դքսուհու հանդերձանքում, որը նա կրել էր Վինձորում իր որդու՝ Արչիի մկրտության արարողության ժամանակ: Նա արարողությանը ներկայացել է լայն լանջաբացվածքով Dior-ի սպիտակ զգեստով, որը հիշեցնում է իր հարսանեկան Givenchy զգեստը։ Նա նաև կրել է միևնույն ականջօղերը: Նորաձևության փորձագետների կարծիքով՝ Մարքլը որոշել է կապել իր կյանքի երկու նշանակալի իրադարձությունները՝ ամուսնությունն ու առաջնեկի ծնունդը:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից