Daily Mail-ն անդրադարձել է էրոտիկ ֆոտոսեսիայի պատճառով հայրենիքից փախուստի դիմած իրանցի մոդելի պատմությանը (լուսանկարներ)

Իրանցի մոդել Նեգզիան, որն էրոտիկ ֆոտոսեսիայի պատճառով ստիպված է եղել փախչել հայրենիքից, այժմ գտնվում է Փարիզում՝ անօթևանների կենտրոնում:

Ինչպես նշում է Daily Mail-ը, 29-ամյա մոդելը չի կարող հայրենիք վերադառնալ, քանի որ այնտեղ նրան մտրակի հարվածների կդատապարտեն ու բանտ կնստեցնեն:

Աղբյուրը մանրամասնում է, որ Նեգզիան 2017թ. ի վեր թաքնվում է Իրանի Իսլամական հեղափոխության պահապանների կորպուսից, որի համոզմամբ՝ ներքնաշորերով արված ֆոտոսեսիան «անպատշաճ» է:

Նշվում է, որ «վարկաբեկիչ» լուսանկարները տարածվել են այն ժամանակ, երբ լուսանկարիչը դրանք փոխանցել է ոստիկանությանը: Դրա հետևանքով աղջիկը ստիպված է եղել Իրանից Թուրքիա փախչել: Ի վերջո նա հայտնվել է Ֆրանսիայում:

Հատկանշական է, որ Նեգզիան չի ափսոսում իր արածի համար՝ նշելով, որ հպարտ է կանանց իրավունքների նկատմամբ որևէ հարգանք չունեցող խիստ կանոնները խախտելու համար: 

Փարիզում հայտնվելով՝ իրանուհին ստիպված է եղել փողոցում ապրել, քնել զբոսայգիների նստարաններին, վաճառել հագուստն ու անձնական իրերը սնունդ գնելու համար: Որոշ ժամանակ անց նա հայտնվել է անօթևանների կենտրոնում:

Երիտասարդ իրանուհու պատմությունը գրավել է բազմաթիվ լրատվամիջոցների ուշադրությունը:

«Ես հպարտ կին եմ, որը դուրս է եկել հարմարավետության գոտուց և խախտել բոլոր կանոնները, որոնք որևէ հարգանք չունեն կանանց նկատմամբ»,-ասել է Նեգզիան:

Բաժանորդագրվեք Top-News.am-ին Telegram-ում