Մաշա Ռասպուտինան պլաստիկ վիրահատությունից հետո անճանաչելի փոխվել է

90-ականների ամենահայտնի եւ ամենասեքսուալ աստղերից մեկը՝ Մաշա Ռասպուտինան կրկին անգամ զարմացրել է երկրպագուներին։ 55-ամյա արտիստուհին երկրպագուների կարծիքով չարաշահել է պլաստիկ միջամտությունները։ Հետեւորդները վստահ են, որ երգչուհին շատ է ցանկանում պահպանել երիտասարդությունը եւ գրեթե ամեն տարի արտաքինի մեջ ինչ-որ բան է փոխում։

Մարիայի Instagram-ի նոր հրապարակումները շոկի են ենթարկել հետեւորդներին։ Բանն այն է, որ կադրերում աստղին դժվարությամբ կարելի է ճանաչել։ «Սա արդեն չափից դուրս է։ Դուք նմանվում եք Մայքլ Ջեքսոնին», «Ինչու՞ է Մաշան պլաստիկ միջամտությունների դիմում։ Նա այն կանանց թվին է պատկանում, որոնք բնությունից գեղեցիկ չեն», «Պետք է կարողանալ գեղեցիկ ծերանալ։ Նման արտաքինն արհեստական է, ոչ մի էմոցիա չի առաջացնում», - իրենց կարծիքով կիսվել են Ռսպուտինայի երկրպագուները։

Այդուհանդերձ գտնվել են նաեւ մարդիկ, որոնք արտիստուհու արտաքինը հիանալի են համարել։ Որոշ երկրպագուների կարծիքով Ռասպուտինան իր 55 տարեկանում կարող է պարծենալ կնճիռների բացակայությամբ։

Ավելի վաղ Մարիան խոստովանել էր, որ իր համար կարեւոր է միշտ լինել իդեալական կազմվածքով։ Նա սիրում է վառ շպար եւ նույնիսկ ամուսնուն թույլ չի տալիս իրեն առանց շպարի տեսնել։ «Մենք տարբեր ննջասենյակներ ունենք։ Չեմ սիրում, երբ առավոտյան, մինչ զբաղված եմ իմ գործերով, ինչ-որ մեկը մտնում է սենյակ։ Տանը ես միշտ հիանալի տեսք ունեմ, սակայն կարող եմ նաեւ տնային գործեր կատարել։ Երբեմն պատրաստում եմ։ Իմ ամենահաջողված կերակրատեսակը լոլիկով ձվածեղն է», - «Секрет на миллион» հաղորդման ժամանակ խոստովանել է աստղը։

Ռասպուտինայի արտաքինի փոփոխությունների մասին երկրպագուները բազմիցս են խոսել։ Ավելի վաղ աստղին մեղադրել են կոսմետոլոգի մոտ հաճախակի այցերի համար։ Նրանք նաեւ հայտարարել են, որ Մարիան պետք է փոխի ոճաբանին, որպեսզի նրա կերպարներն ավելի ժամանակակից լինեն:

Բաժանորդագրվեք Top-News.am-ին Telegram-ում