Գիտնականները պարզել են՝ ինչու են տղամարդիկ հազվադեպ զբաղվում տան մաքրությամբ

Սոցիոլոգները տարբերություն չեն գտել այն հարցում, թե ինչպես են տղամարդիկ եւ կանայք ընդունում սենյակում տիրող անկարգությունն ու ինչպես են գնահատում տունը մաքրելու անհրաժեշտությունը, հաղորդում է ՌԻԱ Նովոստի-ն՝ հղում անելով Sociological Methods and Research-ին:

«Որպես կանոն, տղամարդիկ տունը մաքրելու վրա 3 անգամ քիչ ժամանակ են ծախսում, քան կանայք: Նշանակո՞ւմ է դա արդյոք, որ կանայք մաքրության տիպար են, իսկ տղամարդիկ գենետիկորեն այնպես են «ծրագրված», որ պարզապես չեն տեսնում տիրող անկարգությունը: Այդ արդարացումը նրանց օգնում է ազատվել տուն մաքրելուց, եւ մենք ապացուցել ենք, որ իրականում դա այդպես չէ»,- նշում է Կալիֆոռնիայի համալսարանից Սառա Տեբոն:

Վերջին տարիներին գիտնականներն ակտիվորեն փորձում են հասկանալ՝ կանաց եւ տղամարդկանց օրգանիզմում արդյոք կան ֆիզիոլոգիական, էվոլյուցիոն կամ քիմիական առանձնահատկոթյուններ, կամ բոլոր տարբերությունները պայմանավորված են դաստիարակությամբ, հորմոններում եւ մշակութային ավանդույթներով:

Օրինակ, 2013 թվականի դեկտեմբերին ամերիկացի կենսաբանները պարզել են, որ տղամարդու մոտ ուղեղի որոշ հատվածներ չեն շփվում միմյանց հետ այնպես, ինչպես կանանց մոտ: Մի քանի տարի առաջ կենսաբանները պարզել են, որ ուժեղ եւ թույլ սեռերը տարբեր կերպ են ընդունում ցավը, եւ նաեւ պարզել են, որ տղամարդիկ «ծրագրված են» այնպես, որ կանանցից շուտ են մահանում:

Բաժանորդագրվեք Top-News.am-ին Telegram-ում