Փաշինյանն ու նրա թիմը ավելորդ են քաղաքական համակարգում. Շարմազանով
Քաղաքականությունը, նախ եւ առաջ, ռազմավարությունների, գաղափարախոսությունների, արժեքների մրցակցություն է: Այս մասին ֆեյսբուքյան իր էջում գրում է ՀՀկ խոսնակ Էդուարդ Շարմազանովը։
«Երբ իշխանությունը մնացել է պոպուլիզկի ճահճի մեջ, իսկ վարչապետն էլ՝ սկանդալային լրագրության տիրույթում
Քաղաքականությունը, նախ եւ առաջ, ռազմավարությունների, գաղափարախոսությունների, արժեքների մրցակցություն է:
Յուրաքանչյուր պետություն պետք է ունենա իր ազգային անվտանգության ռազմավարությունը, իր տնտեսական զարգացման եւ արտաքին քաղաքական ռազմավարությունը:
Հայաստանի Հանրապետությունը օբյեկտիվ եւ սուբյեկտիվ պատճառներով ստիպված է արձագանքել եւ պատրաստ լինել բազում արտաքին մարտահրավերների:
Մեզ համար ամենաէականը պետք է լինեն անվտանգության մարտահրավերները թե՛ տնտեսական, թե՛ հոգեւոր եւ թե՛ ռազմական անվտանգության տեսանկյունից:
Սակայն վերջին մեկ տարում, Փաշինյանի պոպուլիստական իշխանության առկայության պայմաններում գաղափարական-ծրագրային բանավեճը հենց Փաշինյանի կողմից մղվել է երրորդական, չորրորդական պլան:
Որեւէ լուրջ քննարկում չկա հայ-թուրքական հարաբերությունների վերաբերյալ, որեւէ լուրջ օրակարգ եւ հայեցակարգ չկա Ղարաբաղյան հիմնահարցի վերաբերյալ, եւ իշխանությունները ակնհայտ ցույց են տալիս, որ հայեցակարգ չունեն:
Նույնը՝ ինչպիսի տնտեսական մոդելով պետք է Հայաստանը զարգանա, չկա:
Հոգեւոր եւ ազգային անվտանգության առումով եւս նույն պատկերն է:
Նիկոլ Փաշինյանը, չունենալով իզմեր եւ գաղափարախոսություն, ծրագիր եւ ռազմավարություն, իշխանությունը եւ քաղաքական համակարգը իջեցրել է плинтус-ից ցածր մակարդակի:
Նա, սկանդալային լրագրության ժանրին համաձայն, բոլորին պահում է իր ստեղծած ճահճի մեջ, որտեղ տիրում են բամբասանքը, ատելությունը եւ բանսարկությունը:
Այսօր Հայաստանի թիվ մեկ խնդիրներից մեկը նա է,որ իշխանությունը չունի ներքաղաքական եւ արտաքին քաղաքական օրակարգ, ո՛չ օրակարգ, ո՛չ էլ հայեցակարգ, չկա տեսլական:
Անկարող լինելով լողալ օվկիանոսում՝ նա քաղաքական բանավեճը տանում է դեպի իր հարազատ ճահիճ, ուր տիրում են անձնական հաշիվները, բանսարկությունն ու սկանդալային ելույթները,ուր չկա բովանդակություն, բայց փոխարենը՝ լիքը շոու:
Այս պայմաններում, ուշ թե շուտ, բոլորը կհամոզվեն, որ Փաշինյանն ու նրա թիմը ավելորդ են քաղաքական համակարգում, քանի որ չունեն իզմեր եւ բովանդակություն»,-նշել է նա։
Բաժանորդագրվեք Top-News.am-ին Telegram-ում
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ