ԱՄՆ-ում 340 կգ կշռող կինը նիհարել շուրջ 270 կգ-ով

ԱՄՆ-ի Տենեսի նահանգի 51-ամյա բնակչուհի Միլա Կլարկը նիհարել է շուրջ 270 կգ-ով և այժմ իր նախկին քաշից թեթև է 5 անգամ: Այս մասին հայտնում է LADbible-ն:

Կլարկը կշռում էր 340 կգ և 3 տարի շարունակ գամված էր մահճակալին: Գիրության պատճառով նա չէր կարողանում ինքնուրույն տեղաշարժվել, իսկ նրա ոտքերի վրա ձևավորվել էր լիմֆեդեմա (արտազատվող տարածությունում սպիտակուցներով հարուստ հեղուկի կուտակում):

Կինն իրեն դժբախտ էր զգում և ամեն օր կրկնում էր, որ կարողանում է միայն ուտել և քնել: Միլան կարողացել է պայքարել գիրության դեմ` մասնակցելով My 600lb Life ռեալիթի շոուին, որը հեռարձակվում է TLC հեռուստաընկերությամբ:

Սկզբում ամերիկուհին նիհարել է 50 կգ-ով` ճիշտ սննդակարգի օգնությամբ, ապա բժիշկները հեռացրել են ավելորդ գոյացությունները, որից հետո Միլան կարողացել է ինքնուրույն տեղաշարժվել:

Բացի այդ, հեռացվել է Կլարկի ավելորդ մաշկը, կատարվել է քաշի կորուստի մի շարք վիրահատություններ, ինչպես նաև ծնկի պրոթեզավորում: Նիհարելու գործընթացը տևել է շուրջ 3 տարի: Այժմ Միլան կշռում է 70 կգ: