Քեյթ Միդլթոնի և արքայազն Ուիլյամի որդին սուպերմարկետի աշխատակիցներին ապշեցրել է իր քաղաքավարությամբ

Չնայած այն հանգամանքին, որ արքայազն Ուիլյամի և Քեյթ Միդլթոնի ավագ որդին՝ հնգամյա Ջորջը, հեռավոր ապագայում Մեծ Բրիտանիայի թագավոր է դառնալու, շատ քաղաքավարի և համեստ երեխա է, որն ընդհանրապես չի պարծենում իր դիրքով: Անգլիական The Sun պարբերականը վկայակոչում է Waitrose հայտնի բրիտանական սուպերմարկետների ցանցի աշխատակիցներին, որոնք կանոնավոր մթերքներ են մատակարարում Նորֆոլք կոմսությունում գտնվող Քեմբրիջների Անմեր Հոլ կալվածք:

Խանութի աշխատակիցների խոսքերով, արքայազն Ուիլյամն ու նրա անդրանիկ որդին միշտ առաքման ծառայության մեքենան դիմավորում են փողոցում և օգնում գնումներով պայուսակները տուն տեղափոխել: «Սա մեծ հազվադեպություն է, որ ինչ-որ մեկն իր օգնությունն առաջարկի գնված ապրանքները տեղափոխելու համար: Այդ պատճառով Waitrose-ի աշխատակիցները հաճելիորեն զարմացել են, որ արքայազններ Ուիլյամն ու Ջորջը միշտ դիմավորում են իրենց… Ջորջի ներկայությունը հատկապես օգտակար է: Նա ամեն անգամ հարցնում է, թե ինչ կարող է տանել… Շատ հետաքրքրասեր երեխա է: Նրան տալիս են ամենաթեթև փաթեթները: Սա ցույց է տալիս, թե որքան գործնական է Ուիլյամը և որ նա ուզում է, որ իր որդին քաղաքավարի մարդ դառնա և օգնի ուրիշներին»,- ասել է սուպերմարկետի ներկայացուցիչը, ինքնությունը չբացահայտելու պայմանով:

Քեյթ Միդլթոնը նույնպես հաճախակի է այցելում Waitrose խանութներ:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից