Մելցեր. «Ասանժը հոգեբանական կտտանքների է ենթարկվել»
ՄԱԿ-ի հատուկ զեկուցող Նիլս Մելցերն ասել է, որ WikiLeaks-ի հիմնադիր Ջուլիան Ասանժը հոգեբանական կտտանքների է ենթարկվել տարիներ շարունակ թշնամական մթնոլորտում գտնվելու հետևանքով:
Այդ մասին Մելզերը հայտարարել է այսօր Ժնևում: Մելցերը և ևս երկու բժիշկներ մայիսի 9-ին այցելել են բրիտանական բանտում պահվող Ասանժին:
«Պարոն Ասանժին տարիներ շարունակ միտումնավոր պահել են բիրտ, անմարդկային, նվաստացուցիչ պայմաններում», - ասել է Մելզերը:
47-ամյա Ասանժը ձերբակալվել է ապրիլի 11-ին՝ Լոնդոնում Էկվադորի դեսպանատան տարածքից վտարվելու պահին:
Միացյալ Նահանգները պահանջում է արտահանձնել Ասանժին և նրան մեղադրում է պետական գաղտնիք պարունակող տեղեկություններ ապօրինի եղանակով հայթայթելու և հրապարակելու համար:
«2010 թվականից ի վեր Ասանժի դեմ իրականացվել է ահաբեկումների, սպառնալիքների, զրպարտության աննախադեպ արշավ ոչ միայն Միացյալ Նահանգների, այլև Մեծ Բրիտանիայի, Շվեդիայի և վերջին շրջանում՝ նաև Էկվադորի կողմից», - ասել է Մելցերը:
Ասանժի առողջական վիճակի վատթարացման հետևանքով մայիսի 30-ին ԱՄՆ-ի պահանջով նախատեսված արտահանձման հարցով դատական լսումները տեղի չեն ունեցել: Դատարանը վճռել է լսումներն անցկացնել հունիսի 12-ին:
WikiLeaks-ի հիմնադիր Ջուլիան Ասանժը պահվում է բրիտանական բանտի հիվանդանոցում:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Սիթի ՍՊ ընկերության մի քանի աղցանի արտադրությունը կասեցվել է
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով