ԱՄՆ-ն կոչ է արել իր դաշնակից երկրներին չօգտագործել չինական Huawei ընկերության արտադրանքը
ԱՄՆ-ն հայտնել է դաշնակից երկրներին, որ չինական Huawei ընկերության արտադրանքն անվտանգության նկատառումներով չի կարելի օգտագործել 5-րդ սերնդի հեռահաղորդակցական կապերի ստեղծման համար: Ինչպես նշում է ՏԱՍՍ գործակալությունը, այս մասին հայտնել է ԱՄՆ փոխնախագահ Մայք Փենսը:
«Մենք հստակ հայտնել ենք Կանադային և մեր մյուս դաշնակիցներին այն մասին, որ Huawei ընկերության արտադրանքն անհամատեղելի է ԱՄՆ-ի, մեր դաշնակիցների և ազատասիրական այլ երկրների անվտանգության շահերի հետ»,- հայտարարել է Փենսը Կանադայի վարչապետ Ջասթին Տրյուդոյի հետ բանակցություններից հետո:
Նա ընդգծել է, որ Վաշինգտոնը համապատասխան ուղերձ է հղել եվրոպական դաշնակից երկրներին և Կանադային, և որ հարցի քննարկումը շարունակվում է: Փոխնախագահի խոսքով՝ Չինաստանի իշխանությունները կարող են օգտագործել Huawei և չինական այլ ընկերությունների կողմից հավաքագրված տեղեկությունները:
Փենսը մասնավորապես հայտնել է, որ 5G ցանցի ստեղծման միջոցով երկրների ազգային անվտանգության հարցերի առնչությամբ տեղեկությունները հասանելի են դառնում ընկերություններին:
Հիշեցնենք, որ մայիսի 15-ին ԱՄՆ առևտրի նախարարութունը Huawei ընկերությունն ընդգրկել էր «սև ցուցակում», երբ նախագահ Դոնալդ Թրամփը «տեղեկատվական տեխնոլոգիաների սպառնալիքների առնչությամբ» համազգային արտակարդ դրություն էր սահմանել:
Ես չեմ ուզում հիմա բանակցել. Թրամփ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
105 հեռախոսահամարը չի սպասարկվում. Երևանի քաղաքապետարանը հայտարարություն է տարածել
ՀԷՑ-ը 2 միլիարդի հիմնանորոգում է իրականացնելու
Կառավարությունը սկսում է ԹՐԻՓՓ-ի վավերացումը. փաստաթուղթը կուղարկվի ՍԴ
Առաջիկա օրերին սպասվում է փոփոխական եղանակ․ ջերմաստիճանը կնվազի
Հութիները նախազգուշացրել են ավիաընկերություններին հեռու մնալ Սաուդյան Արաբիայի երկնքից
Իրանն ԱՄՆ-ին մեղադրում է փոխըմբռնման հուշագիրը խախտելու համար