Սաակաշվիլին խոստացել է աջակցել Զելենսկուն
Օդեսայի շրջանի նախկին ղեկավար, Վրաստանի նախկին նախագահ Միխայիլ Սաակաշվիլին հայտարարել է, որ կաջակցի Ուկրաինայի նախագահ Վլադիմիր Զելենսկուն, որը վերադարձրել էր իր ուկրաինական քաղաքացիությունը:
«Հպարտանում եմ Ուկրաինայով: Հույս ունեմ, որ չենք կորցրել հնարավորությունը, որը մեզ տվել են ընտրությունների արդյունքները… Մենք պետք է կենտրոնանանք Ուկրաինայի ապագայի եւ հաջողության վրա, քայլեր ձեռնարկենք բարեփոխումներ սկսելու համար: Կա երիտասարդ տաղանդավոր նախագահ երիտասարդ թիմով, մենք բոլորս պետք է աջակցենք նրան»,- «ՆԱՇ» հեռուստաալիքի հետ զրույցում ասել է Սաակաշվիլին:
Նրա խոսքով՝ ինքը քաղաքական ամբիցիաներ չունի, իսկ «վրեժն իր ոճի մեջ չէ»:
Սաակաշվիլին նաեւ հայտնել է, որ մտադիր է վերադառնալ Վրաստան, սակայն այժմ դա նրան թույլ չի տալիս «ռուսամետ ռեժիմը»:
«Զելենսկու վերաբերմունքը ցույց է տալիս, որ մենք գործ ունենք նոր քաղաքական գործիչների եւ այլ մտածելակերպի հետ: Ես աջակցում եմ նրանց եւ կարծում եմ, որ նրանք հաջողակ կլինեն»,- հավելել է Սաակաշվիլին:
Ես չեմ ուզում հիմա բանակցել. Թրամփ
Անցած 1 օրում գրանցվել է 15 ավտովթար․ 1 մարդ զոհվել է, 20-ը՝ վիրավորվել
Առաջիկա օրերին սպասվում է փոփոխական եղանակ․ ջերմաստիճանը կնվազի
Իրանն ԱՄՆ-ին մեղադրում է փոխըմբռնման հուշագիրը խախտելու համար