2,5-27 մլն դոլար. Հրապարակվել է հոլիվուդյան աստղերի աշխատավարձերի չափը

Ամերիկյան Variety ամսագիրը հրապարակել է հոլիվուդյան մի շարք աստղերի աշխատավարձերի չափը՝ ներկայացնելով այն հայտնիներին, որոնց մասնակցությամբ նոր ֆիլմերի պրեմիերաները կայանալու են ընթացիկ տարում: Ստորև նշված գումարները նրանք ստացել են հենց այդ նախագծերում նկարահանվելու համար:

Այսպես՝ ցանկը գլխավորում է կանադացի Ռայան Ռեյնոլդսը՝ 27 մլն դոլարով: Քառասուներկուամյա աստղը գումարը ստացել է Մայքլ Բեյի Six Underground ֆիլմում նկարահանվելու համար: Նրան 20 մլն դոլարով հաջորդում է Դուեյն Ջոնսոնը, ևս 20 մլն դոլար ստացել է Ռոբերտ Դաունի կրտսերը:

Չորրորդ տեղում Ուիլ Սմիթն է (17 մլն դոլար), որին հաջորդում են Ջեյսոն Սթեթհեմը (13 մլն դոլար), Թոմ Քրուզը (12-14 մլն դոլար), Էմիլի Բլանտը (12-13 մլն դոլար), Բրեդ Փիթը (10 մլն դոլար), Գալ Գադոտը (10 մլն դոլար), Լեոնարդո Դի Կապրիոն (10 մլն դոլար), Մարգո Ռոբին (9-10 մլն դոլար), Իդրիս Էլբան (8 մլն դոլար), Բեն Աֆլեքը (8 մլն դոլար), Կրիստեն Սթյուարտը (7 մլն դոլար), Մարտին Լոուրենսը (6 մլն դոլար), Ժոաքին Ֆենիքսը (4,5 մլն դոլար), Ջեսիկա Չեսթեյնը (2,5 մլն դոլար):