Փինկն անկեղծորեն պատմել է վիժումների մասին

Արդեն 13 տարի է՝ ամբողջ աշխարհը հետեւում է՝ որքան երջանիկ է հայտնի երգչուհի Փինկը մրցարշավորդ Քերի Հարթի հետ։ Ամուսինները դաստիարակում են երկու երեխաներին՝ յոթամյա դստերը՝ Ուիլոուին եւ 2-ամյա որդուն՝ Ջեյմսոնին։ Սակայն նրանց կյանքում ամեն ինչ այնքան էլ հարթ չէ. նախքան մայր դառնալը երգչուհու մոտ վիժում է տեղի ունեցել եւ ոչ մեկ անգամ։ Այդ մասին նա պատմել է USA Today-ին։

Հարցացրուցի առիթը նոր ալբոմի՝ Hurts 2B Human-ի թողարկումն է։ Դրանում երգչուհին անդրադարձել է ինքնդ քեզ եւ մարմինդ ընդունելու թեմային։ Երգերից մեկում նա խոսւմ է այն մասին, որ մինչեւ 17 տարեկանը ատել է իր մարմինը։

«Պատճառը, որ ես երգեցի այդ մասին, այն է, որ իմ մարմինը միշտ ուժեղ եւ մարզված է եղել, բայց իրականությունն այն է, որ 17 տարեկան հասակում վիժում է տեղի ունցել։ Իսկ ես պատրաստվում էի լույս աշխարհ բերել այդ երեխային։ Բայց երբ դա տեղի է ունենում երիտասարդ աղջկա կամ կնոջ հետ, զգում եք՝ ինչպես է ձեր մարմինը կարծես սկսում ատել ձեզ։ Այն կարծես կոտրված է եւ անում է այն, ինչ պետք է»,- ասել է նա։

 Երգչուհին խոստովանել է, որ իր մոտ եւս մի քանի վիժում է տեղի ունեցել, եւ ինքն այժմ այդ մասին երգեր է գրում՝ ապրումներն ինչ-որ կերպ հաղթահարելու համար։ «Կարծում եմ՝ կարեւոր է խոսել այն մասին, ինչից ամաչում ես, թե ով ես դու իրականում եւ ինչ ցավ ես զգում»,- խոստովանել է աստղը։