Մերսում, մեդիտացիա, կանեփի յուղով քսուքներ. 4-րդ երեխայի ծնվելու նախաշեմին Քիմ Քարդաշյանի ինքնատիպ խնջույքը (լուսանկարներ)

Ամերիկյան Keeping Up With the Kardashians իրապատում շոուի աստղ Քիմ Քարդաշյանը չորրորդ երեխայի լույս աշխարհ գալուն ընդառաջ նախածննդյան խնջույք է կազմակերպել՝ իր առանձնատանը հավաքելով ընտանիքի անդամներին և մտերիմներին:

Ինչպես նշում է Daily Mail-ը, 38-ամյա գեղեցկուհին, որի երեխային ծննդաբերելու է փոխնակ մայրը, հետաքրքիր հավաքույթ է կազմակերպել: Ամեն ինչ մտածված ու արված է եղել այնպես, որ բոլոր ներկաները հնարավորինս թուլանան ու լիցքաթափվեն:

Հավաքույթի կազմակերպիչ Մինդի Ուեյսը Քարդաշյանի և նրա ամուսնու՝ ռեփեր Քանյե Ուեսթի լոսանջելոսյան առանձնատունը հանգստության օազիսի է վերածել: Այնտեղ հյուրերին մերսել են, հնարավորություն տվել մեդիտացիա անել, ձայնային թերապիայի սեանսներ են անցկացվել:

Առանձնատան տարածքում գործել է հատուկ սրահ, որտեղ հյուրերը, հագնելով Yeezy փափուկ հողաթափեր, կարողացել են օգտվել մաշկի խնամքի՝ կանեփի յուղ պարունակող նյութերից:

Ավելի ուշ Քիմը նշել է, որ ամեն ինչ ուղղակի կատարյալ էր:

Այս թեմայով «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «Ես միշտ ճանապարհներ եմ փնտրում Հայաստանին աջակցելու համար»․ Քիմ Քարդաշյան (տեսանյութ) «ԱՄՆ-ի անեծքը». Քիմ Քարդաշյանը մերկ նկարահանվել է դրոշի ֆոնին Fendi-ն հավաքածու է պատրաստում Քիմ Քարդաշյանի հետ «Ես չեմ խնդրել հայուհի լինել։ Իմ բախտը պարզապես բերել է». Քիմ Քարդաշյան