Հայտնի է, թե ուր է ընկել դինոզավրերին բնաջնջած երկնաքարը

66 միլիոն տարի առաջ դինոզավրերին բնաջնջած երկնաքարը, ընկնելով, մեծ ցունամի է առաջացրել այն վայրում, որտեղ ներկայումս գտնվում է ամերիկյան նահանգներից մեկը: Այդ մասին հայտարարել են Կալիֆոռնիայի Բերքլի համալսարանի գիտնականները, հաղորդում է Utro.ru-ն:

Հետազոտողների կարծիքով՝ երկնաքարն ընկել է Հյուսիսային Դակոտայի տարածքում գտնվող ներքին ջրամբարի մոտ: Անկման առաջացրած ալիքը կենդանիների տասնյակ տեսակներ է ոչնչացրել:

Ցունամիից հետո միլիոնավոր տեկտիտների՝ 5մմ-անոց հալված ապարի գնդիկների անձրև է տեղացել, որոնք ջարդել են բույսերն ու խցանելով խռիկները՝ սպանել ջրամբարների բնակիչներին:

Այս եզրահանգմանը եկան գիտնականները՝ հիմնվելով Հյուսիսային Դակոտայի տարածքում կատարված՝ խորհրդանշական Hell Stream անունով պեղումների արդյունքների վրա: Այնտեղ հետազոտողները հայտնաբերել են ամոնիտների, ձկների, դինոզավրերի և այլ կենդանիների մնացորդներ:

Պալեոնտոլոգները ենթադրում են, որ երկնային մարմինն ընկել է Յուկատան թերակղզու տարածքում, սակայն աղետի հետևանքները տարածվել են հսկայական շառավղով: